+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Jastar jobalary Túrkistan oblysyn damytýǵa úles qosady - Ómirzaq Shókeev

2019 jylǵy 11 maýsym 12:23
Bólisińiz:
Jastar jobalary Túrkistan oblysyn damytýǵa úles qosady - Ómirzaq Shókeev

TÚRKІSTAN. QazAqparat - Túrkistan oblysyn damytýǵa arnalǵan jas memlekettik qyzmetshiler ázirlegen úzdik jobalar ákimdik tarapynan tolyq qoldaý tabatyn bolady. Oblys ákimdiginde ótken jıynda Ómirzaq Shókeev osylaı málim etti, dep habarlaıdy óńir basshysynyń baspasóz qyzmeti.

Jobalardyń basym kópshiligi óńirdegi týrızm salasyn damytýǵa baǵyttalǵan. Atap aıtqanda, «I-Shatyr» jobasy. Ol - ıAsaýı kesenesi aımaǵynda ystyqtan qorǵaıtyn smart shatyrlar júıesin ornatý ıdeıasy. Jobany usynýshy Janbota Orazbaevanyń aıtýynsha, ıntellektýaldy shatyrlar ystyq klımatty Túrkistan qalasyna laıyq. ıAsaýı kesenesine kelýshi týrısterdi jazdyń kúni kúnnen qorǵap, kóleńkeleýge arnalǵan. Jobamen tanysqan oblys ákimi jańa júıeni kúz mezgiline qaraı iske qosý qajettigin tapsyrdy.

«EKO-Jai» bul - Báıdibek aýdanyndaǵy Aqmeshit úńgiri aılanasynda týrıster úshin ekologııalyq shaǵyn demalys úılerin salý jobasy. Joba avtory Mámet Nurboldyń aıtýynsha, ekologııalyq úılerde týrısterge barlyq jaǵdaı jasalady. Jalpy quny 50 mln teńgege 10 úı salýdy usynyp otyr. Oblys ákimi tıisti basqarma basshylaryna jobany josparǵa engizip, aldaǵy ýaqytta júzege asyrý kerektigin júktedi.

«Zhan-Uia» jobasy. Óńirdegi qarttar úıi men balalar úıin biriktirý júıesi. Samatýlla Nýrılanyń aıtýynsha, bul kanadalyq joba bala kúlkisi men meıirimge muqtaj jandardy jaqyndastyrýǵa baǵyttalǵan. Jobamen tanysqan oblys basshysy Ómirzaq Estaıuly kelesi jyldan bastap Túrkistan qalasynan jobaǵa qajetti ǵımarattardyń qurylys jumystaryn bastaý qajettigin tapsyrdy.

«EthnoVillage» - bul qalanyń tarıhı aımaǵyna etnoaýyl salý jobasy. Joba avtory Qospaeva Aıjannyń aıtýynsha, jalpy quny 40 mln teńgeni quraıdy. ıAsaýı kesenesi aımaǵynan boı kóteretin etnoaýyl kelýshi týrısterge qazaq halqynyń ulttyq salt-dástúri men taǵamdaryn, tól oıyndary men qolónerin tanystyratyn bolady. Joba aldaǵy ýaqytta júzege asatyn bolady.

Jıynda tanystyrylǵan kelesi joba «E-Halyk júıesi. Bul - kópbalaly analarǵa járdemaqy berýdi ońtaılandyrýǵa arnalǵan baǵdarlama. Joba avtory Esenbaev Nurdaýlettiń aıtýynsha, baǵdarlama áleýmettik járdemaqyny esh kedergisiz, kezeksiz alyp, ýaqyt únemdeýge baǵyttalǵan.

Kelesi «Taza sana, taza qala» jobasy - Kentaý qalasynda qoqys shyǵarý júıesin tsıfrlandyrý jáne turǵyndardy tazalyqqa úgitteýge arnalǵan. Joba avtory Ermanov Elnurdyń baıandaýynsha, joba Kentaý qalasyndaǵy tazalyq júıesin tsıfrlandyrýǵa baǵyttalyp otyr. ıAǵnı, qoqys jáshikterine arnaıy QR-kodtar qoıylyp, qoqystyń kóbeıgeni, jáshiktiń bosatylǵan ýaqyty ortalyqtandyrylǵan júıege habarlanyp otyratyn bolady.

Aıta keteıik, bul jobalardy QR Prezıdentiniń janyndaǵy Memlekettik basqarý akademııasynyń Túrkistan oblystyq fılıalynda qaıta daıarlaýdan ótken jas memlekettik qyzmetshiler usynyp otyr.







Bizdiń kanalymyzǵa jazylyńyz:

Basty sózder: Túrkistan oblysy, Ákimdik, Jastar,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT