+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Grýzınder ALJIR lageri týraly qoıylym qoımaq

2019 jylǵy 23 mamyr 02:44
Bólisińiz:
Grýzınder ALJIR lageri týraly qoıylym qoımaq

QARAǴANDY. QazAqparat -Qaraǵandy qalasyna A. S. Grıboedov atyndaǵy Tbılısı memlekettik akademııalyq orys teatry keledi. Qoıylym saıası qýǵyn-súrgin qurbandaryn eske alý kúnine arnalady, dep habarlaıdy QazAqparat tilshisi.

Grýzııa ártisteri 30 mamyr kúni Stanıslavskıı atyndaǵy teatr sahnasynda «A. L. J. I. R.» spektaklin usynady. Tragedııalyq qoıylym negizinde hattamalar, hattar, fotosýretter, kýágerlerdiń estelikteri sekildi dáleldi derekter keltirilgen. Bul Stalın dáýiriniń jantúrshigerlik tarıhynyń hronıkasy.

Aljır abaqtysynda 8000-ǵa jýyq áıel ómir súrdi. Olardyń qatarynda Grýzııadan kelgen 300-ge jýyq tutqyn bar. Spektakl solarǵa arnalyp, estelik retinde qoıylǵan. Qýǵyn-súrginge ushyraǵandardyń qatarynda Grýzııanyń ataqty otbasylary: jazýshy Borıs Pılnıaktyń áıeli Kıra Andronıkashvılı, dırıjer Evgenıı Mıkeladzeniń áıeli Ketevan Orahelashvılı, jazýshy Bolat Okýdjavanyń anasy Ashhen Nalbandıan, kınorejısser Lev Kýlıdjanovtyń anasy Ekaterına Kýlıdjanova, jazýshy Nodar Dýmbadzeniń anasy Aleksandr Dýmbadze-Bahtadze jáne apasy Tamara Dýmbadze boldy.

2017 jyldyń 28 sáýirinde «A. L. J. I. R.» spektakliniń premerasy ótti. Qoıylym kóptegen halyqaralyq teatr festıvalderinde moıyndaldy. Barlyq jeti róldi oryndaýshy aktrısalar Verıko Andjaparıdze atyndaǵy ulttyq teatr syılyǵyna ıe boldy.

Qoıýshy-rejısser jáne sahnalyq nusqanyń avtory - Avtandıl Varsımashvılı, Grýzııanyń Memlekettik syılyǵynyń laýreaty, ol K. Mardjanıshvılı atyndaǵy syılyqtyń laýreaty. Qoıylym sýretshisi - Mırıan Shvelıdze, Grýzııanyń halyq sýretshisi, Shota Rýstavelı atyndaǵy Memlekettik syılyqtyń laýreaty. Mýzykalyq bezendirý Elıso Ordjonıkıdzeniki.

Spektaklge Grýzııanyń eńbek sińirgen ártisi Lıýdmıla Artemova-Mgebrıshvılı, Inna Vorobeva, Natalııa Voronıýk, Nıno Kınokachıshvılı, Marıam Kıtııa, Sofııa Lomdjarııa, Anna Nıkolava-Arýtıýnıan qatysady.

Grıboedov teatrynyń gastroli Qazaqstanda 29 mamyr men 3 maýsym aralyǵynda ótedi. Otan satqyndary áıelderiniń Aqmola lageriniń derekti hronıkasy Nur-Sultan, Kókshetaý, Qaraǵandy, Petropavl qalalarynda jáne saıası qýǵyn-súrgin jáne totalıtarızm qurbandarynyń "ALJIR" murajaı-memorıaldyq kesheninde kórsetiledi. Gastrolderdi uıymdastyrýshy -Aqmola oblystyq orys drama teatry.

Aıta ketsek, A. S. Grıboedov atyndaǵy Tbılısı memlekettik akademııalyq orys drama teatry -Kavkazdaǵy alǵashqy kásibı teatr ujymy bolyp tabylady.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT