+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qazaqstanda Nyundai markaly jeńil avtokólik shyǵaratyn zaýyt salynady

2019 jylǵy 26 naýryz 11:54
Bólisińiz:
Qazaqstanda Nyundai markaly jeńil avtokólik shyǵaratyn zaýyt salynady

NUR-SULTAN. QazAqparat - Qazaqstanda Nyundai markaly jeńil avtokólik shyǵaratyn zaýyt salynady. Bul týraly búgin Úkimet otyrysynda QR 2015-2019 jyldarǵa arnalǵan ındýstrıaldy-ınnovatsııalyq damý memlekettik baǵdarlamasynyń oryndalý barysy jaıynda baıandaǵan QR Indýstrııa jáne ınfraqurylymdyq damý mınıstri Roman Sklıar aıtty, dep habarlaıdy QazAqparat tilshisi.

«Mashına jasaýda avtokólik quraldary óndirisin 32 myń birlikten 60 myń birlikke deıin arttyrýdy josparlap otyrmyz. Ónerkásiptik kooperasıa aıasynda biz úshin Eýrazıalyq odaq naryqtary basymdyqqa ıe. Bıyl Hyundai markaly jeńil avtokólik óndiretin zaýyt qurylysyn bastaımyz. «KAMAZ» kópshilik aksıonerlik qoǵamymen birlesken ónerkásip qurylady. Sondaı-aq aýyl sharýashylyǵy tehnıkasynyń komponentterin óndiretin tehnologıalardy beretin «Kırovets» zaýytymen odan ári yntymaqtasý josparlanǵan», - dedi mınıstr.

Sonymen qatar ol óńdeý sektoryna Elbasynyń tapsyrmasy boıynsha "qarapaıym zattar ekonomıkasynyń" salasyn jeńildikpen nesıeleý baǵdarlamasyna bólingen 600 mlrd teńge jańa serpin berýi tıis ekendigin aıtty. Onyń 400 mlrd teńgesi ónerkásiptik taýarlar óndirisi men jekelegen qyzmet túrlerin damytýǵa baǵyttalady.

«Bul jeńil, jıhaz jáne azyq-túlik ónerkásibi men qurylys ındýstrıasy salalarynyń kúndelikti qoldanylatyn 250-ge jýyq ónerkásiptik taýar óndirisin iske qosýǵa múmkindik beredi. 2025 jylǵa qaraı bıznesti jeńildikpen qarjylandyrý 16 myńǵa jýyq turaqty jumys ornyn qurýǵa, bıýdjetke túsetin salyqty 1,1 trln teńgege deıin ósirýge, "qarapaıym zattar ekonomıkasy" óniminiń ımporttyń úlesin 59-dan 37 paıyzǵa deıin tómendetýge múmkindik beredi. Bıyl jeńil ónerkásiptegi iri jobalar jańǵyrtylady jáne aýqymy keńeıtiletin bolady», - dedi ol.

Onyń aıtýynsha, "Qarapaıym zattar ekonomıkasy" baǵdarlamasyn iske asyrý boıynsha "Atameken" Ulttyq kásipkerler palatasy bazasynda qurylǵan jobalyq keńse baǵdarlama aıasynda qoldaý bildirý úshin bızneske kómek kórsetýge jáne aqparattandyrýǵa múmkindik beredi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT