+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Quryq porty arqyly jylyna 4 mln tonnaǵa jýyq júk tasymaldanady

2018 jylǵy 7 qarasha 21:01
Bólisińiz:
Quryq porty arqyly jylyna 4 mln tonnaǵa jýyq júk tasymaldanady

AQTAÝ. QazAqparat - Memleket basshysynyń "Nurly jol" baǵdarlamasy boıynsha Quryq porty arqyly eksporttyq, ımporttyq jáne tranzıttik júkter jóneltilýde. Keshen jylyna 4 mln tonnaǵa deıin júk tasymaldaýǵa qaýqarly, dep habarlaıdy QazAqparat tilshisi.

Quryq porty Kaspıı teńiziniń shyǵysynda jatqan shyǵanaq. Al Aqtaý aılaǵynan ońtústikte ornalasqan. Tabıǵı múıis porttyń qysy-jazy toqtaýsyz qyzmet kórsetýine qolaıly tańdalǵan. Kóliktik-logıstıkalyq ınfraqurylym Qaraqııa aýdanyna qarasty Quryq aýylynan 17 shaqyrym qashyqta. Port pen aýyldy Borjaqty-Ersaı temirjol jelisi baılanystyrady.

Іri joba eldi mekenniń áleýmettik-ekonomıkalyq jaǵdaıynyń jaqsarýyna septigin tıgizip, jurtshylyqtyń áleýetin kóterýge sebepshi boldy. Byltyr 740-qa jýyq adam keshendegi qurylys jumysyna tartylsa, bıyl portta 300-den astam adam turaqty jumys tapty. Munyń syrtynda porttyń qyzmetine qajetti zattardy qamtamasyz etý úshin jekemenshik merdigerli kompanııalar ashylýda.

«Quryq porty keshenindegi ınfraqurylymynyń júrgizilýi jańa jobalardyń, kóliktik-ınfraqurylymnyń damýyna, jańa servıstik qyzmetterdiń júzege asýyna yqpal etýde. Demek óz kezeginde jańa kásipkerliktiń qarqyny artady dep kútemiz», - dedi Qaraqııa aýdanynyń ákimi Qydyrberdi Bekov.null

Quryq portynyń jergilikti bıýdjettiń keltiretin kirisi de qomaqty. Bul soma 2017 jyly 41 mln teńgeden asty, bıyl osy kezeńge deıin 33 mln teńgege deıin jetti. Bul tek bir eldi mekenge keltirgen tabysy, al aldaǵy ýaqytta tutas Qazaqstannyń ekomomıkasynda da alatyn orny erekshe bolmaq.

Elbasy osy jóninde: «Biz parommen ótkizý jolyn ashtyq. Endigi jerde avtokólik paromy Quryq porty arqyly Quryq-Baký- Grýzııa-Túrkııa, Bosfor shyǵanaǵy Eýropa baǵdaryna shyǵýǵa daıyn. Qazaqstan qurlyqtaǵy el, barlyq teńizderge onyń ishinde Parsy shyǵanaǵyna da shyǵatyn bolamyz. Biz Qazaqstan úshin asa aýqymdy jumystardy atqardyq», - degen bolatyn.

«Qazirgi tańda Quryq porty kesheni arqyly eksporttyq, ımporttyq jáne tranzıttik júkter jóneltilýde. Qytaıdan, Qyrǵyzstannan, Ózbekstannan tranzıttik júkter osy Quryq porty arqyly Ázerbaıjan odan keıin Eýropaǵa jóneltiledi. Elimizde ótip jatqan Uly Jibek joly baǵyty boıynsha tasymaldanatyn júkterdiń artýyna Quryq porty óz úlesin qosýda», - deıdi Quryq porty bas dırektorynyń orynbasary Talǵat Ospanov.

Osylaısha byltyr temirjol paromy termınaly 1,5 mln tonna júk tıedi. Portqa 320 keme keldi. Bıyl 15 216 vagonǵa jáne 306 avtokólikke qyzmet kórsetildi.

Aıta keterligi, Quryq paromdyq kesheni jylyna 4 mln tonnaǵa deıin júk tasymaldaýǵa qaýqarly. Al Aqtaý teńiz saýda portyn qosa alǵanda 2020 jylǵa qaraı 25 mln tonnaǵa deıin jetkizýge múmkindik bar.

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT