Qyrǵyzstan Qazaqstannan jetkiziletin qus etine shekteýdi alyp tastady

BІShKEK. QazAqparat - Qyrǵyzstan Qazaqstannan jetkiziletin qus eti men qus eti ónimderine qoıylǵan shekteýdi alyp tastady, dep habarlaıdy QazAqparat Kabar agenttigine silteme jasap. Bul týraly QR veterınarııa jáne fıtosanıtarııa jónindegi memlekettik ınspektsııasy málim etti.

Inspektsııanyń habarlaýynsha, bul sheshim «Veterınarııa boıynsha Ulttyq referentti ortalyq» RMK epızootııalyq jaǵdaıdy turaqtandyrý jónindegi laboratorııalyq zertteýler nátıjesin Qazaqstannyń rastaýy negizinde» qabyldanǵan.

Eske sala keteıik, Qyrǵyzstan 2018 jyldyń 8 qazan kúni Qazaqstannan qus etin kirgizýge ýaqytsha tyıym salǵan bolatyn.

Buryn habarlanǵandaı, Qazaqstannyń aýyl sharýashylyǵy mınıstrligi Qyrǵyz Respýblıkasynyń Almaty men Soltústik Qazaqstannan jumyrtqa men qus etin kirgizýge qoıǵan shekteýin zańǵa qaıshy degen bolatyn.

«Qyrǵyz Respýblıkasynyń Almaty jáne Soltústik Qazaqstan oblystarynan qus eti men jumyrtqany ákelýge shekteý engizgeni zańsyz. Sońǵy 10 jyldyń ishinde Almaty oblysynda qus aýrýlary tirkelgen joq. Al Soltústik Qazaqstan oblysynyń Aıyrtaý aýdanynda qustardyń Nıýkasl indeti boıynsha jarııalanǵan karantın 2018 jyly 19 qyrkúıekte alyp tastady. Osyǵan baılanysty Almaty jáne Soltústik Qazaqstan oblystarynan qus eti men jumyrtqany ákelýge Qyrǵyz Respýblıkasynyń engizgen shekteýleri quqyqqa jat bolyp tabylady», - delingen AShM resmı habarlamasynda.

Vedomstvo tıisti hatty Qyrǵyz Respýblıkasy Úkimetiniń janyndaǵy veterınarııalyq jáne fıtosanıtarııalyq qaýipsizdik boıynsha Memlekettik ınspektsııasyna jibergenderin málimdegen bolatyn.