+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Polıtsııa Qordaı aýdanynyń turǵyndaryna shabýyl jasaǵan kúdiktilerdi ustady

2018 jylǵy 13 qyrkúıek 18:18
Bólisińiz:
Polıtsııa Qordaı aýdanynyń turǵyndaryna shabýyl jasaǵan kúdiktilerdi ustady

TARAZ. QazAqparat - Búgin ótken brıfıngte Jambyl oblysy ІІD-niń basshysy Arman Orazálıev Qordaı aýdanyndaǵy aýyl turǵyndarynyń úıine jasalǵan qaraqshylyq shabýyl boıynsha júrgizilgen tergeý amaldarynyń nátıjelerimen bólisti, dep habarlaıdy QazAqparat tilshisi.

«Qordaı aýylynda 68 jastaǵy er adamnyń úıine shabýyl jasaldy. Qylmyskerler er azamatty jáne áıelin soqqyǵa jyǵyp, aqsha men altyndaryn alyp ketken. Qazirgi tańda oblystyq krımınaldyq polıtsııa men Qordaı aýdandyq ishki ister bóliminiń qyzmetkerleri úlken jumys atqaryp, barlyq kúdiktilerdi ustady. Úsh kúdiktiniń ekeýi Qordaı aýdanynyń týmasy, alaıda olar Almatyda turatyn bolyp shyqty. Bul jaqqa týǵan-týystaryna kelip turady. Úshinshi sybaılas - Almaty qalasynyń turǵyny. Barlyǵynyń qalada januıalary, jumystary bar», - dedi Arman Orazálıev.

Spıkerdiń aıtýynsha, ustalǵan azamattardyń barlyǵynyń eki qaraqshylyq shabýylǵa qatysy bar ekeni anyqtaldy. Olar óz kinálaryn tolyqtaı moıyndap, tergeý amaldaryna yqpaldasýda.

«Zattaı aıǵaqtar alyndy. Olardyń ishinde qylmysty jasaý kezinde ıemdenip alǵan jáne qylmysqa qatysy bar ekenin dáleldeıtin zattar bar», - dedi ol.




Eske sala keteıik, shilde aıynyń sońynda Qordaı aýdanynyń Qordaı aýylynda birqatar qaraqshylyq shabýyldar jasalǵan edi. Dálirek aıtqanda, betperde kıgen belgisiz adamdar jergilikti turǵyndardyń úıine basa-kóktep kirgen. Artynan ıelerin soqqyǵa jyǵyp, aqsha men qundy zattardy talap etken. 68 jastaǵy zeınetker alǵan jaraqattardyń saldarynan aýrýhanada kóz jumdy.

Qordaı aýylynda qoǵamdyq tártipti qamtamasyz etý maqsatynda kezekshilik kúsheıtilip, ártúrli bólimshelerdiń 70 qyzmetkeri jóneltildi. Olardyń qatarynda atty polıtseıler, 15 qyzmettik avtokólikter, 12 kınolog pen 10 ıisshil ıtter bar. Sondaı-aq, qosymsha alty avtopatrýl berildi.

Bizdiń kanalymyzǵa jazylyńyz:

Basty sózder: Jambyl oblysy, Qylmyspen kúres,
Bólisińiz:

Avtor:

- Birjanqyzy Sabına

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT