+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Nur Álem» sferasy oqýshylar men stýdentter jıi keletin orynǵa aınaldy

2018 jylǵy 3 shilde 17:01
Bólisińiz:
«Nur Álem» sferasy oqýshylar men stýdentter jıi keletin orynǵa aınaldy

ASTANA. QazAqparat - «Astana EKSPO-2017» UK» AQ, oblys ákimdikteri men QR «Atameken» ÓKP arasynda úshjaqty yntymaqtastyq týraly jasalǵan memorandým sharttary sátti iske asyrylýda, dep habarlaıdy QazAqparat.

Esterińizge sala keteıik, qujat Qazaqstan óńirleriniń oqýshylary men stýdentteri úshin Halyqaralyq mamandandyrylǵan kórme murasy nysandaryna mádenı-bilim berý týrlaryn uıymdastyrýdy qamtıdy.

«Astana EKSPO-2017» kompanııasy baspasóz qyzmetiniń málimetinshe, aǵymdaǵy jyldyń basynan bastap «Nur Álem» sferasyn 32 myńnan astam oqýshy men shamamen 6 myń stýdent kelip kórgen.

Bastapqyda joba fızıka, bıologııa jáne basqa da kóptegen pánder boıynsha elordalyq gımnazııalarǵa ashyq sabaq ótkizýdi josparlaǵan. Alǵashqy sabaqtan bastap-aq balalardyń jaratylystaný ǵylymdaryna degen qyzyǵýshylyǵy arta tústi. Óıtkeni, teorııany qarapaıym baıandaǵannan góri, materıaldy ınteraktıvti túrde jetkizgen balanyń esinde tez saqtalady. Endi, «Nur Álem» sferasynda ashyq sabaqtardy Astana qalasy ǵana emes, sondaı-aq, Aqmola, Qostanaı, Soltústik Qazaqstan jáne basqa da oblys mektepteri ótkize alady.

Jaqynda, jasalǵan memorandým aıasynda «Bolashaq energııasy» murajaıyn Jambyl oblysynyń oqýshylary tamashalady. Ulttyq kompanııa jáne ustazdar qaýymy «Halqymnyń ulttyq dástúrleri» taqyrybynda sabaqtar jáne ár qabatta shaǵyn ekskýrsııa túrinde aǵylshyn tilinen ashyq sabaqtar uıymdastyrdy.

«Joba aıasynda salt-dástúrlerge arnalǵan ınstallıatsııalary bar zal úlken áser qaldyrdy. Oqýshylardy qyzyqtyrǵany ınteraktıvti ashyq sabaq. Balalar alǵan áserlerin túrli tústi qarandash pen flomasterlerdiń kómegimen qaǵaz betine túsirdi», - dedi Jambyl oblystyq mektep olımpıadalary men mektepten tys is-sharalardy ótkizý ortalyǵynyń áleýmettik-mádenı baǵdarlamalar bóliminiń meńgerýshisi Olga Saǵyndyqova.

Jas sýretshiler sferanyń ár qabaty boıynsha sýretter salyp, sońynda birinshi qabatta tosynnan uıymdastyrylǵan kórmede balalardyń qylqalamynan shyqqan shyǵarmalary barlyq kelýshiler nazaryna usynyldy.

«Nur Álem» sferasy 8 qabattan turady. Ár deńgeıinde energııa túrleriniń jarqyn elementteri men ekspozıtsııalary usynylǵan. Mysaly, ekinshi qabatta balalar sý energııasyn óndirý tásilderimen, al jetinshi qabatynda ǵarysh energııasymen tanysa alady. Birinshi qabatta ulttyq pavılon ornalasqan, onda ár túrli landshaftar, Qazaqstannyń mádenıeti men tarıhy usynylǵan.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT