+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Chehııa Senatynyń tóraǵasy Qazaqstandaǵy jekeshelendirý baǵdarlamasyna qyzyǵýshylyq tanytty

2017 jylǵy 14 shilde 18:07
Bólisińiz:
Chehııa Senatynyń  tóraǵasy Qazaqstandaǵy jekeshelendirý baǵdarlamasyna qyzyǵýshylyq tanytty

ASTANA. QazAqparat - Qazaqstan Parlamenti Senatynyń tóraǵasy Qasym-Jomart Toqaev Cheh Parlamenti Senatynyń tóraǵasy Mılan Shtehpen kezdesý ótkizdi.

Q.Toqaev Praganyń «EKSPO-2017» ótkizýge qoldaý bildirgen sheshimin jáne halyqaralyq kórmeniń ashylýyna Prezıdent Mılosh Zemannnyń ózi qatysqanyn joǵary baǵalady, dep habarlaıdy Senattyń baspasóz qyzmeti.

15 shildede eki el Parlamentteri Joǵarǵy Palatalary Tóraǵalary «EKSPO-2017» kórmesindegi Chehııanyń Ulttyq kúniniń ashylýynda sóz sóıleıtin bolady.

-Chehııa Qazaqstannyń Eýropalyq odaq pen Ortalyq Eýropadaǵy mańyzdy áriptesi bolyp tabylady,- dep atap ótti Senat tóraǵasy júzdesý barysynda. «Bizdiń memleket basshylarynyń, úkimetteri men isker ortanyń arasynda senim jáne jan-jaqty dıalog qalyptasqan. Zań shyǵarýshy organdar arasyndaǵy yntymaqtastyq serpindi sıpat aldy».

Q.Toqaev Chehııa Parlamenti alǵashqylardyń biri bolyp Eýropalyq odaq pen Qazaqstannyń arasyndaǵy keńeıtilgen seriktestik jáne yntymaqtastyq týraly kelisimdi ratıfıkatsııalaǵany úshin M. Shtehqa alǵysyn bildirdi. Qazaqstan Parlamenti Senaty tóraǵasynyń aıtýynsha, bul kelisim bizdiń elimizdiń eń iri saýda-ekonomıkalyq jáne ınvestıtsııalyq áriptesi - Eýropalyq odaqpen yntymaqtastyqty belsendi etýge múmkindik beredi.

Q.Toqaev baılanystardy odan ári keńeıtý áleýetin Azııa men Eýropany jalǵaıtyn iri halyqaralyq kólik ınfraqurylymdyq jobalardyń júzege asyrylýymen baılanystyrady. Elimizdegi «Nurly jol» baǵdarlamasymen ushtasatyn Qytaıdyń «Bir - beldeý, bir - jol» bastamasy júzege asýynda Qazaqstan mańyzdy ról atqarady.

Taraptar saýda-ekonomıkalyq, ınvestıtsııalyq jáne gýmanıtarlyq salalardaǵy baılanystardy damytý keleshegin talqylady.

M. Shteh Qazaqstanda júzege asyrylyp jatqan saıası jáne ekonomıkalyq reformalarǵa, memlekettik mekemelerdi jekeshelendirý baǵdarlamalaryna qyzyǵýshylyq tanytty.

Chehııa Senatynyń tóraǵasy parlamentaralyq únqatysýdyń joǵary deńgeıi eki memleket arasyndaǵy dástúrli jyly jáne dostyq qarym-qatynastardyń mańyzdy bólshegi bolyp tabylady dep atap ótti.

Kezdesý aıaǵynda M. Shteh óziniń qazaqstandyq áriptesin Chehııaǵa resmı saparmen kelýge shaqyrdy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT