+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Iran ınvestorlary Jambyl oblysyndaǵy mıneraldyq tyńaıtqyshtarǵa qyzyǵýshylyq tanytty

2017 jylǵy 22 sáýir 19:53
Bólisińiz:
Iran ınvestorlary Jambyl oblysyndaǵy mıneraldyq tyńaıtqyshtarǵa qyzyǵýshylyq tanytty

TARAZ. QazAqparat - Jambyl oblysy ákimdiginde Iran Islam Respýblıkasynyń Gılıan provıntsııasyndaǵy jumys saparynyń nátıjesi jaıly aıtty, dep habarlaıdy óńir basshysynyń baspasóz qyzmeti.

Eske sala ketsek, oblys ákimi Kárim Kókirekbaev bul sapar barysynda Gılıan provıntsııasynyń gýbernatory Muhammad Alı Nadjafımen kezdesip, óńirler arasyndaǵy ónerkásip, aýyl sharýashylyǵy, saýda - ekonomıkalyq, rýhanı-mádenı baılanystardy nyǵaıtýǵa kelisim jasaǵan bolatyn.

Basqosýda kásipkerlik, saýda-sattyq, aýyl sharýashylyǵy salalaryn qamtıtyn ekijaqty áriptestik jónindegi memorandýmǵa qol qoıyldy. Jambyl oblysy men Gılıan provıntsııasy arasyndaǵy qol qoıylǵan kelisim men memorandým 20 mlrd teńgeni qurap otyr.

Kezdesý barysynda Jambyl oblysynyń ákimi ırandyq kásipkerlerdi aımaqtyń áleýmettik-ekonomıkalyq damýy jaıly habardar etti. Ol Jambyl oblysynyń Iran Islam Respýblıkasymen taýar aınalymy 2016 jyly 919 myń AQSh dollaryn quraǵandyǵyn, 2015 jylmen salystyrǵanda 7 eseden astam óskenin atap ótti.

Al, onyń ishinde aýyl sharýashylyǵy ónimderiniń taýar aınalymy 802,5 myń AQSh dollaryna jetti, eksport kólemi 780,7 myń AQSh dollaryn, ımport 21,8 myń AQShdollaryn qurady.
Negizi Jambyl oblysynan Iranǵa pııaz, keptirilgen jasymyq pen bıdaı eksporttalsa, óńirge Irannan qurma, qurylysta paıdalanatyn zattar, rezeńke buıymdary, toqyma materıaldary, shyny ydystar, qara metaldan ázirlengen buıymdar, radıatorlar, elektr shamdar jáne basqa halyq tutynatyn taýarlar ımporttalǵan.

«Búgingi kúni birneshe birlesken jobalar iske asyryldy»,-dedi Kárim Kókirekbaev. - Bizdiń aımaqta jyl ótken saıyn mal basy kóbeıýde. Aǵymdaǵy jyly qoı etin Iranǵa eksporttaý jóninde eki jaqty kelisim jasaldy, alǵashqy ónimder de jetkizildi. Búgingi kúni óńirde maqsaryny qaıta óńdeý jáne onyń maıyn óndirý boıynsha «Qazıragro» seriktestigimen birlesken quny 5,7 mln AQSh dollaryn quraıtyn joba iske asyryldy. Buǵan qosa «Merki et» kompanııasy Iranǵa jylyna 3 myń tonnaǵa deıin iri qara jáne usaq múıizdi maldyń etin jetkizý boıynsha kelissózder júrgizýde.
Biz aýyl sharýashylyǵy jemis-jıdek, balyq ónimderi boıynsha birlesken jobıýalardy jasaqtaýǵa ázirmiz»,-dedi jambyl oblysynyń ákimi.

Irandyq kásipkerler óz kezeginde qyzylsha ósirý, dárilik shópterdi daıyndaý, jáne ósimdik shyryndaryn shyǵarý boıynsha óz jobalaryn júzege asyrýǵa ázir ekendikterin jetkizdi.



«Kazfosfat» JShS Bas dırektory Maqash Іskendirov hımııa salasyndaǵy jambyldyq kásiporondardyń jetistigi jaıly málim etti. Irandyq aýyl sharýashylyǵy sarapshylary «Qazfosfat» zaýytynyń mıneraldyq tyńaıtqyshtaryn satyp alýǵa qyzyǵýshylyq tanytty.

Jumys saparynyń qortyndysy boıynsha Jambyl oblysynyń ákimi Kárim Kókirekbaev pen Gılıan provıntsııasynyń gýbernatory Muhammad Alı Nadjafı arasynda yntymaqtastyq jasaý nıeti týraly hattamaǵa qol qoıyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT