+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

«Jasyl ekonomıkanyń» bolashaǵy jarqyn

2016 jylǵy 21 shilde 17:42
Bólisińiz:

ASTANA. QazAqparat - Memleket basshysy usynǵan «jasyl ekonomıkaǵa» kóshý tujyrymdamasy elimizdiń energetıka salasyn damytýdyń basym baǵytyna jáne elimizde keler jyly ótetin «EKSPO-2017» Halyqaralyq kórmesiniń basty taqyrybyna aınaldy. Elbasynyń «Qazaqstan-2050» Strategııasy: qalyptasqan memlekettiń jańa saıası baǵyty» atty Qazaqstan halqyna Joldaýynda: «Eldiń damýynyń «jasyl» jolyna kóshýine alda turǵan «EKSPO-2017» qýatty serpilis berýi tıis. Astanada ǵylym men tehnıkanyń úzdik álemdik jetistikteri usynylatyn bolady. Kóptegen qazaqstandyqtar biz qol sozyp otyrǵan «bolashaqtyń energııasyn» óz kózimen kóre alady»,- degen bolatyn.

Osy rette, «jasyl ekonomıka» uǵymyna túsinik bere ketelik. Jasyl ekonomıka - Qazaqstan qabyldaǵan halyqaralyq mindetteme­lerge sáıkes jáne bolashaq urpaqtyń múddesi úshin tabıǵı shıkizat qor­laryn tıimdi jáne ratsıonaldy qoldaný arqyly turǵyndardyń ál-aýqatynyń artýyna jetkizetin tabysty ekonomıka. Elektr jáne jylý energııasynyń generatsııasy, gaz óndirý, sý resýrstaryn paıdalaný, aýyl sharýashylyǵyn turaqty damytý, ónerkásip qaldyqtaryn bas­qarý men tutyný, kólik jáne jol ınfraqurylymy jasyl ekono­mıkanyń negizgi sektorlary bolyp sanalady.

Sonymen qatar, jasyl ekonomıkaǵa kóshý tıimdiliginiń birneshe faktory bar. Halyqaralyq saraptama boıynsha, jasyl jobalarǵa sa­lynǵan ınvestıtsııanyń 2/3-i ózin-ózi aqtasa, 1/3-i bes jyl kóleminde shyǵynsyz deńgeıge qol jetkizedi. Energııa tıimdiliginiń artýyna qaraı ınvestıtsııanyń tıimdiligi 50%-dy quraıdy, onyń ózin-ózi aqtaý merzimi eki jylǵa sozylady. «Jasyl» ekonomıkaǵa salynǵan ınvestıtsııa aktıvterdiń jyldam ósip kele jatqan sanatyna kiredi. Mysaly, jańǵyrtpaly energııa kózderine salynǵan halyqaralyq ınvestıtsııalar kólemi jaǵynan qazba baılyqtary ınvestıtsııalarynyń kólemine jaqyndaıdy. Sondyqtan, jasyl ekonomıkaǵa kóshý úderisi memlekettiń jiti nazaryna alynyp, qarqyndy júrgizilip keledi.

Elbasynyń Jarlyǵymen «Qazaqstan - 2050» strategııasyn jáne 2013 jyly qabyldanǵan «jasyl ekonomıkaǵa» kóshý tujyrymdamasyn iske asyrý maqsatynda arnaıy keńes qurylyp, ol osy turǵydaǵy basym baǵyttar boıynsha sektoraralyq dıalogty uıymdastyrý úshin biregeı alańǵa aınaldy. Keńes Parıj klımattyq kelisimine qosylýǵa baǵyttalǵan júıeli jumystar men «jasyl ekonomıkaǵa» kóshý tujyrymdasyn júzege asyrýmen aınalysady. Byltyrǵy jyldyń qyrkúıeginde ótken Keńes otyrysynda parnıktik gazdardy 1990-jyldardyń deńgeıine qaraǵanda 2030 jylǵa qaraı 15-25%-ǵa erikti túrde tómendetý týraly sheshim qabyldandy.

Sondaı-aq, qazirgi tańda Elbasynyń Parıj kelisimine qosylý týraly Jarlyǵynyń jobasy ázirlendi. Jalpy, Parıj kelisimi ǵalamdyq jylyný deńgeıin asyrmaı ustap turý úshin atmosfaraǵa shyǵatyn parnık gazdarynyń kólemin shekteýdi kózdeıdi. Qazaqstanda 1990-2014 jyldar aralyǵynda shyǵaryndylar 3,18 mlrd tonnaǵa azaıdy. Sonymen bir mezgilde absolıýttik shyǵaryndylar kólemi energoqamtymdylyqtyń tómendeýine qaramastan 2001-2015 jyldar aralyǵynda 2,1 esege artqan. Qazaqstanda shyǵaryndylardyń úlken kólemi energetıka salasymen qosa, ónerkásip pen aýyl sharýashylyǵyna da tıesili.

QR Energetıka mınıstrliginiń málimetine qaraǵanda, byltyr elimizde elektr stansalary 91 mlrd. kVt elektr energııasy óndirgen. 2030 jylǵa qaraı bul kórsetkish 130-175 mlrd. kVt-qa jetedi dep boljanyp otyr. Mamandardyń pikirinshe, elektr energııasyn óndirý kóleminiń artýy parnıktik gazdar shyǵaryndylaryn ulǵaıtpaýy tıis. Bul rette birqatar sharalardy der kezinde qabyldaý mańyzdy. Bul birinshiden, jańa tehnologııalardy engizý. Ekinshiden, qýat stansalarynda jańartylatyn energııa kózderi men gazdy generatorlar úlesin arttyrý qajet. Úshinshiden, energııaqamtymdylyq pen elektr energııasyn «joǵaltýdy» tómendetý kerek.

Keler jyly elimizde «EKSPO - 2017» Halyqaralyq kórmesi ótetini belgili. Basty taqyryby «jasyl ekonomıka» bolǵandyqtan, bul Qazaqstannyń «jasyl» damýdaǵy starttyq núktesine aınalýy tıis. Sondyqtan, qaı turǵydan alsaq ta, jasyl ekonomıkany damytýdyń mańyzy zor.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT