+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Byltyr elimizge aýyl sharýashylyǵy ónimderiniń ımporty 11,3 paıyzdy quraǵan

2016 jylǵy 29 sáýir 11:14
Bólisińiz:
Byltyr elimizge aýyl sharýashylyǵy ónimderiniń ımporty 11,3 paıyzdy quraǵan

ASTANA. QazAqparat - Byltyr elimizge aýyl sharýashylyǵy ónimder ımportynyń úlesi 11,3 paıyzdy qurady. Bul týraly búgin Parlament Senatynda «EAEO jáne DSU jaǵdaıynda otandyq agrarlyq sektordyń básekege qabilettiligin arttyrý - zańnamalyq retteý jáne is júzine asyrý» atty parlamenttik tyńdaý barysynda Senat spıkeri Qasym-Jomart Toqaev osylaı málim etti.

Sóz arasynda Senat spıkeri otandyq naryqta qazaqstandyq taýarlarǵa qaraǵanda ımporttyq azyq-túlik taýarlary basymdyqqa ıe bolyp otyrǵanyn atap ótti. «Ótken jyly elimizdiń syrtqy taýar aınalymynda aýyl sharýashylyq ónimderiniń eksporty 4,5 paıyzdy ǵana qurasa, ımporttyń úlesi 11,3 paıyzdy qurady», - dedi Senat Tóraǵasy.

Onyń aıtýynsha, agroónerkásiptik keshenge tıimdi memlekettik qoldaý kórsetý boıynsha da birqatar problemalar oryn alyp otyr. Bul rette spıker agrarlyq sektorǵa aıtarlyqtaı qarjy bólinip otyrǵanyn, alaıda olardyń qaıtarylymy barynsha joǵary bolmaı otyrǵanyn tilge tıek etti. «Topyraqty óńdeıtin ozyq tehnologııalardyń bolmaýy, sapaly egis egý materıaldarynyń, ónim jınaıtyn zamanaýı tehnıkalardyń jetispeýshiligi saldarynan Qazaqstandaǵy astyq túsimi jalpy EAEO memleketterimen salystyrǵannyń ózinde tómen deńgeıde qalyp otyr. Shetelden asyl tuqymdy mal satyp alynǵanymen, mal sharýashylyǵynyń damý qarqyny aıtarlyqtaı arta qoıǵan joq. Otandyq ónim kóp jaǵdaıda syrtqy básekege, sonyń ishinde Reseı taýar óndirýshilerimen aradaǵy básekege tótep bere almaı otyr», -dedi Q. Toqaev.

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT