+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Arnaıy operatsııa: ShQO-da esirtki saýdalaǵan qylmystyq toptyń 7 múshesi ustaldy

2021 jylǵy 28 sáýir 16:54
Bólisińiz:
Arnaıy operatsııa: ShQO-da esirtki saýdalaǵan qylmystyq toptyń 7 múshesi ustaldy

ÓSKEMEN. QazAqparat –Shyǵys Qazaqstan oblysynda uıymdasqan qylmystyq toptyń joly kesilip, 167 mln teńgeniń esirtkisi tárkilendi, dep habarlaıdy QazAqparat tilshisi.

Uqsas jańalyqtar
Shyǵys Qazaqstanda ótken aptada 55 orman órti tirkeldi Oral turǵyny saıajaıynda kóknár ósirgen ShQO-nyń birqatar qala, aýdanynda jańa mektepter boı kótermek

ShQO Polıtsııa departamenti baspasóz qyzmetiniń málimetine súıensek, tártip saqshylary óńirde jáne Almaty oblysynda áreket etken qylmystyq topty áshkereleý úshin arnaıy keń aýqymdy operatsııa ótkizdi.

«Nátıjesinde, bir aıǵa jýyq ýaqyt ishinde atalǵan toptyń músheleri túgel belgili boldy. Olardyń barlyǵy basqa qalalardan kelgen. Kúdiktiler qaýipsizdik maqsatynda jaldamaly páterlerdi únemi aýystyryp otyrdy. Sondaı-aq ózi Almaty oblysynda júrip, qylmystyq toptyń barlyq is-áreketterine jetekshilik etip otyrǵan er adam anyqtaldy», - dep habarlady vedomstvo ókilderi.

Esirtki saýdasymen aınalysatyn ár adamnyń óz róli bolǵan. Belgili bir top esirtkini jetkizse, endi bireýleri ony doza boıynsha ólshep, keıinnen shahardaǵy arnaıy oryndarǵa qoıyp ketip otyrdy. Tintý barysynda satýǵa daıyndalǵan 10 keli sıntetıkalyq esirtki tárkilendi. Bul shamamen birrettik 100 000 dozaǵa teń.

«Tasmaldaýshylarǵa esirtki taýar kólik-logıstıkalyq kompanııalary arqyly qosalqy bólshekter túrinde jóneltilgen. Esirtkisi jasyrylǵan barlyq avtobólshekterdi qyzmettik ıtter taba almas úshin syrtyn lakpen boıaǵan», - dedi ShQO PD bastyǵy Saǵat Mádıev.

Eshkim kórmes úshin esirtki túngi ýaqytta arnaıy jerlerge qoıylyp otyrdy. Sáýir aıynyń basynda kúdiktilerdi ustaý úshin tıisti sharalar bastaldy. Bir apta ishinde qala aýmaǵynda áreket etken barlyq esirtki tasymaldaýshylar qamaýǵa alyndy. Óz úılerin jalǵa bergen páter ıeleri jaldaýshylardyń úıdi esirtkini ólshep-daıyndaý tsehyna aınaldyrǵandaryn kórgende jaǵalaryn ustaǵan.

«Almaty oblysy Talǵar aýdany Qyzylqaırat aýylyndaǵy jaldamaly úıde sıntetıkalyq esirtkini daıyndap, ólshep-oraıtyn esirtki zerthanasyn uıymdastyrýǵa tutastaı bir otbasynyń qatysy bar ekendigi belgili boldy. Kúdiktiler Telegram messendjeri arqyly esirtkini baılanyssyz taratýmen aınalysty. Al klıentterden tólemdi elektrondy tólem júıeleriniń kómegimen qabyldaǵan. Aýqymdy arnaıy operatsııa nátıjesinde 21-49 jas aralyǵyndaǵy 7 adam qamaýǵa alyndy. Tárkilengen zattardyń «qara naryqtaǵy» quny – 167 mln teńge. Kúdiktilerge qatysty QR QK-niń 297-baby boıynsha tergeý amaldary júrgizilip jatyr. Olar 15 jylǵa deıin bas bostandyqtarynan aıyrylýlary múmkin», - delingen aqparatta.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT