+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Arnaýly áleýmettik qyzmet kórsetý standarttary jetildirildi

2021 jylǵy 22 maýsym 10:41
Bólisińiz:
Arnaýly áleýmettik qyzmet kórsetý standarttary jetildirildi

NUR-SULTAN. QazAqparat – Qazaqstanda arnaýly áleýmettik qyzmet kórsetý standarttary jetildirildi, dep habarlaıdy QazAqparat QR Eńbek jáne halyqty áleýmettik qoldaý mınıstrliginiń baspasóz qyzmetine silteme jasap.

Uqsas jańalyqtar
13 dostyq úıinde «Shyǵys Qazaqstan – janjalsyz aýmaq» jobasy júzege asyrylýda - ShQO Ulttyq keńes múshesi: Ákim saılaýy –  majorıtarlyq saıası júıe qurýdyń alǵashqy qadamy Mańǵystaý oblysynda jol qozǵalysy erejelerin buzǵan kortej júrgizýshileri ustaldy

Atap atqanda, zańnamalyq bazany jetildirý sheńberinde kórsetiletin qyzmetterdiń sapasyn edáýir jaqsartýǵa múmkindik beretin «Halyqty áleýmettik qorǵaý salasynda arnaýly áleýmettik qyzmetter kórsetý standarttaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 26 naýryzdaǵy buıryǵyna ózgerister engizildi.

Medıtsınalyq-áleýmettik mekemelerde (budan ári – MÁM) arnaýly áleýmettik qyzmetter kórsetý standarttarynda mynalar qarastyrylǵan:

- múgedektigi bar adamdar men qarttarǵa arnalǵan sanıtarııalyq-gıgıenalyq zattardyń tizbesin kúndelikti jáne ýrologııalyq tósemdermen keńeıtý;

- qatty ınventar retinde qosymsha pozıtsııany qosý;

- múgedektigi joq adamdarǵa dárigerdiń kórsetilimi boıynsha tehnıkalyq kómekshi (ornyn toltyrýshy) quraldar men arnaýly júrip-turý quraldaryn (baldaqtar, taıaqtar, júrgishter, korsetter, bandajdar, emdik beldikter, estý apparattary, bólmelik kreslo-arbalar, serýendeýge arnalǵan kreslo-arbalar, sińirgish jaımalar (jaıalyqtar) berý;

- áleýmettik-eńbek qyzmetterin usyný (jylyjaılarda, qysqy baqta, úı janyndaǵy ýchaskelerde), bul qyzmet alýshylardy olardyń densaýlyq jaǵdaıyn eskere otyryp, ómirdiń ártúrli nysandaryna tartýǵa múmkindik beredi.

Sondaı-aq MÁM-de resimdeý kezinde medıtsınalyq tekserýden ótý rásimin ońaılatý maqsatynda qoldanystaǵy medıtsınalyq karta nysanynda kózdelgen tar sheńberli mamandardyń tizbesi qysqartyldy. Mindetti 8 mamannan 3, sondaı-aq barlyq qosymsha 7 maman qysqartyldy.

Úıde arnaýly áleýmettik qyzmet kórsetý standarttarynda qarttar men múgedek adamdardy kútý jónindegi áleýmettik qyzmetkerlerdi ýnıformamen, jeke qorǵanys quraldarymen (bir ret qoldanylatyn maskalar men qolǵaptar, dezınfektsııalaý quraldary) qamtamasyz etý kózdelgen.

Engizilgen ózgerister men tolyqtyrýlardy múgedektigi bar adamdardyń qoǵamdyq birlestikteri men jergilikti atqarýshy organdar usyndy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT