+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Armenııadan ákelingen kólikter: Tirkeý quny men qalaı durys satý jaıynda

2020 jylǵy 31 mamyr 20:19
Bólisińiz:
Armenııadan ákelingen kólikter: Tirkeý quny men qalaı durys satý jaıynda

NUR-SULTAN. QazAqparat - Maýsym aıynan bastap Armenııa Respýblıkasynan Qazaqstanǵa ákelingen kólikterdi tirkeý bastalady. Osyǵan oraı Qazaqstan Respýblıkasy Іshki ister mınıstrligi Ákimshilik polıtsııa komıteti tóraǵasynyń orynbasary Serik Túsipov osy jaıtqa qatysty eń negizgi saýaldarǵa jaýap berdi, dep habarlaıdy QazAqparat tilshisi.

«Basqarý organdary sol jaqta ornalasqan, Armenııa Respýblıkasynyń ýákiletti organdarynda Qazaqstan azamattaryna tirkelgen jáne olar Qazaqstanǵa 2020 jylǵy 1 aqpanǵa deıin ákelgen avtomobılder tirkeýge jatady (Qazaqstan Respýblıkasy Úkimetiniń aǵymdaǵy jylǵy 20 mamyrdaǵy№ 306 qaýlysy). Qabyldanǵan qaýly aıasynda (2020 jylǵy 20 mamyrdaǵy № 306), avtomobıldi tirkeý quny 11 946 teńgeni quraıdy. Oǵan 695 teńge (0,25 AEK)– tirkeý úshin alym, 3 773 teńge (1,25 AEK)–tehpasport úshin baj, 7 778 teńge (2,8 AEK)– memnómir úshin baj kiredi. Basqa tólemder kózdelmegen», - dedi Serik Túsipov.

Osy oraıda ol Armenııadan ákelingen kólikterge nelikten sary nómir beriletindigini túsindirdi.

«Ákelingen avtomobılderdi olardyń menshik ıeleri Armenııa esebinen shyǵarmaǵandyqtan, Qazaqstanda tirkeý kezinde olarǵa sary fondaǵy nómirler beriletin bolady. Óıtkeni, olar - basqa memlekette turaqty tirkeýde turǵan kólik quraldary. Bul rette, nómirler avtomobıldiń menshik ıesiniń naqty turatyn jeri boıynsha óńirdiń kodymen («01» óńirden bastap «17» deıin) beriletin bolady», - dedi ol.

Sonymen qatar, QR ІІM ókili nelikten «oń jaq rýldi» jáne qaıta jabdyqtalǵan avtomobılderdi tirkeýge bolmaıtyndyǵyn túsindirdi.

«Oń jaq rýldi» avtomashınalardy tirkeý kózdelmeıdi, óıtkeni 2009 jyldan bastap oǵan tyıym salynǵan. Tyıym salý «Jol júrisi týraly» Zańda jáne «Dóńgelekti kólik quraldarynyń qaýipsizdigi týraly» Keden odaǵynyń Tehnıkalyq reglamentinde belgilengen nómiri «Oń jaq rýldi» avtomobılder bastapqyda sol jaqty qozǵalysy bar elderde - Japonııa, Ulybrıtanııa jáne t.b. paıdalaný úshin konstrýktıvti túrde jasalǵan. Atalǵan avtomobılderdi oń jaqty qozǵalysy bar joldarda aıdaý kezinde, júrgizýshilerdiń kórý buryshy shekteýli bolǵandyqtan basyp ozý, solǵa burylý jáne t.b. manevrler qaýipsiz jasaýdy qıyndatady. Basqarý organdary oń jaqtan sol jaqqa ornalastyrylyp qaıta jabdyqtalǵan avtomobıldermenshik ıesi kólik quraly konstrýktsııasynyń qaýipsizdigi týraly kýálik usynǵannan keıin ǵana tirkeýge jatady. Kólik quraly konstrýktsııasynyń qaýipsizdigi týraly kýálikti Saýda jáne ıntegratsııa mınıstrligi akkredıttegen synaq zerthanalary beredi», - dedi Serik Túsipov.

Munan bólek ol Armenııada berilgen tehpasport pen memnómirler qaıda saqtalatynyn, olardy qaıtaryp alý qalaı júzege asyrylatynyn túsindirdi.

«Armenııada berilgen tehpasport pen memnómirler avtomobıldi Qazaqstanda tirkegen kezde Mamandandyrylǵan HQKO-larda tapsyrylatyn jáne avtomobıldiń menshik ıesi talap etkenge deıin muraǵattarda saqtalady. Olardy qaıtarý avtomobıldi Qazaqstannyń tirkeý esebinen shyǵarǵan jaǵdaıda, menshik ıeleriniń suraý salýy boıynsha júzege asyrylady»,- dedi ol.

S.Túsipov Armenııadan ákelingen jáne Qazaqstanda osy jylǵy 1 maýsym men 1 qyrkúıek aralyǵynda tirkelgen avtomobıldi odan ári qaıta satý úshin ne qajet ekendigin de túsindirdi.

«Tirkelgen avtomobılderdi paıdalaný merzimi shektelmegen. Avtomobıldiń menshik ıesi ony paıdalaný merzimderi týraly sheshimdi ózi qabyldaýǵa quqyly. Eger azamat óz avtomashınasyn qaıta satqysy kelse, ol: «qazaqstandyq» memnómirler men tehpasporttardy tapsyrýmen avtomobıldi Qazaqstannyń esebinen shyǵarýǵa; mamandyrylǵan HQKO-da «armıandyq» nómirleri men tehpasportty qaıtyp alýǵa tıis; Armenııa esebinen shyǵarý, ol úshin qazirgi tańda «óziniń barýy qajettigi» kózdelgen; Qazaqstanniń zańnamasynda kózdelgen (kedendik baj, bastapqy tirkeý jáne kádege jaratý alymy) tólemderin tóleý. Osydan keıin, ol avtomobıldi basqa tulǵaǵa qaıta sata alady»,- dep túsindiredi ol.

Eske salsaq, Armenııadan ákelingen kólik quraldaryn tirkeýge arnalǵan suraqtar boıynsha Call Center qurylǵan bolatyn.



Bizdiń kanalymyzǵa jazylyńyz:

#Qoǵam   #QR ІІM   #Kólik  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT