Armenııa prezıdenti Elbasyna quttyqtaý hat joldady
2021 jylǵy 17 jeltoqsan 18:12

Armenııa prezıdenti Elbasyna quttyqtaý hat joldady

EREVAN. QazAqparat – Armenııa prezıdenti Armen Sarkısıan Qazaqstannyń Tuńǵysh Prezıdenti Nursultan Nazarbaevqa Táýelsizdiktiń 30 jyldyǵyna baılanysty quttyqtaý sálemdemesin jiberdi. Bul týraly «QazAqparat» HAA menshikti tilshisi Armenııa prezıdentiniń baspasóz qyzmetine silteme jasap habarlaıdy.

«Qazaqstannyń Táýelsizdik jyldarynda qol jetkizgen aýqymdy reformalary men barlyq tabystary sizdiń atyńyzben baılanysty. Sizdiń dana da kóregen saıasatyńyzdyń, kúsh-qýatyńyzdyń jáne joǵary kásibı sheberligińizdiń arqasynda Qazaqstan búginde saıası, áleýmettik-ekonomıkalyq jáne ǵylymı-tehnıkalyq damý jolynda nyq senimmen qadam basyp keledi jáne óńirlik jáne halyqaralyq isterde eleýli ról atqarýda», - delingen sálemdemede.

Armenııa prezıdenti Elbasynyń jan-jaqty bilimi men adamgershilik qasıetteri aldaǵy ýaqytta da elimizdiń odan ári tabysqa jetip, damýynyń kepili bolatynyna senimdi.

Buǵan deıin Nursultan Nazarbaevtyń atyna Túrkııa Respýblıkasynyń Prezıdenti Rejep Taıyp Erdoǵannan, Qytaı Halyq Respýblıkasynyń Tóraǵasy Sı Tszınpınnen, Qyrǵyzstan Respýblıkasynyń Prezıdenti Sadyr Japarovtan, Tájikstan Respýblıkasynyń Prezıdenti Emomalı Rahmonnan, Túrikmenstan Prezıdenti Gýrbangýly Berdimuhamedovten jáne basqa elderdiń kóshbasshylarynan Qazaqstan Respýblıkasy Táýelsizdiginiń 30 jyldyǵyna oraı quttyqtaý jedelhattary men hattary kelip túsken bolatyn.


Seriktester jańalyqtary

Jańalyqtar

Úrdis

MURAǴAT