+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

«Arman jyrym-Aq Jaıyq» respýblıkalyq aqyndar aıtysynyń bas júldesin B.Shoıbekov ıelendi

2014 jylǵy 28 maýsym 03:13
Bólisińiz:

ORAL. QazAqparat - 28 maýsymǵa qaraǵan túni Oraldaǵy Jastar mádenıet saraıynda «Arman jyrym - Aq Jaıyq» atty respýblıkalyq aqyndar aıtysy márege jetti.

BQO ákimdiginiń qoldaýymen «Jaıyq juldyzy» aımaqtyq qoǵamdyq qory uıymdastyrǵan saıysqa respýblıka oblystary men qalalarynan barlyǵy 14 aqyn qatysty. Olardyń arasynda talaı báıgeni alyp júrgen jyr dúldúlderimen qatar aıtystan qol úzip ketip, qaıta qosylǵandar da, sondaı-aq jas tulparlar da boldy. Osy aıtysty qolǵa alǵan Baýyrjan Halıollanyń aıtýynsha, mundaǵy maqsat Jaıyq tórine elge belgili aqyndardy shaqyryp, batysqazaqstandyq jastardyń aıaq alysyn bir baıqap alý edi.

Aqyndar negizinen eldiń birligin jyrlap, ulttyq máselelerdi qozǵady. Ásirese, túrkistandyq Bekarys Shoıbekov, Arqalyq qalasynan kelgen Aıbek Qalıev, batysqazaqstandyq Jansaıa Mýsına ótkir aıta bildi. Sheberlik pen tapqyrlyq jaǵynan olardan astanalyq Aınur Tursynbaeva, aqtóbelikter Aıan Seıitov pen Qaınar Alagózovter de qalysqan joq.

Oblys ákimi Nurlan Noǵaev atap ótkendeı, aqyndar jyrǵa arqaý etken ózekti jaıttar bılik nazarynda bolmaq.

QR Halyq ártisi, Memlekettik syılyqtyń laýreaty Asanáli Áshimov bastaǵan qazylar alqasynyń uıǵarymymen aıtys qorytyndysynda bas júldeni (2 mln. teńge) B.Shoıbekov ıelendi. A.Tursynbaeva birinshi (1 mln. teńge), A.Seıitov pen J.Mýsına ekinshi (600 myń teńge), A.Qalıev pen Q.Alagózov úshinshi (400 myń teńge) orynǵa kóterildi. Tórt aqynǵa Juban Moldaǵalıev, Qadyr Myrza Áli, Syrym Datuly, Mahambet atyndaǵy syılyqtar tabys etildi. Qalǵan qatysýshylar da qurqol qaıtqan joq.

Aıtysty júrgizgen aqyn, M.Maqataev atyndaǵy syılyqtyń laýreaty Júrsin Ermannyń habarlaǵanyndaı, 12 shildede Almatydaǵy Stýdentter saraıynda jas aqyndar dodaǵa túspek. Oǵan on shaqty aıtysker qatysyp, jeńgeni «temir tulpardy» tizgindemek.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT