Arman Shaqqalıev EEK básekelestik jáne monopolııaǵa qarsy retteý mınıstri bolyp taǵaıyndaldy

NUR-SULTAN. QazAqparat – Joǵary Eýrazııalyq ekonomıkalyq keńestiń 6 qarashadaǵy sheshimimen Arman Shaqqalıev Qazaqstan Respýblıkasynan Eýrazııalyq ekonomıkalyq komıssııa (EEK) Alqasynyń jańa múshesi (mınıstri) bolyp taǵaıyndaldy, dep habarlaıdy QazAqparat EEK baspasóz qyzmetine silteme jasap.

Uqsas jańalyqtar

Mańǵystaý oblystyq mýzykalyq-drama teatryna jańa dırektor taǵaıyndaldy

Jandos Búrkitbaev densaýlyq saqtaý vıtse-mınıstri qyzmetine taǵaıyndaldy Pavlodar oblysynyń Aqsý qalasyna jańa ákim taǵaıyndaldy «Nur Otan» partııasynyń Qoǵamdyq saıasat ınstıtýtynyń dırektory taǵaıyndaldy

Onyń quzyretine Eýrazııalyq ekonomıkalyq odaqtyń transshekaralyq naryqtaryndaǵy monopolııaǵa qarsy retteý jáne básekelestik máseleleri kiredi.

Arman Shaqqalıev buǵan deıin osy qyzmetti atqaryp kelgen, Qazaqstan Respýblıkasy Básekelestikti qorǵaý jáne damytý agenttiginiń tóraǵalyǵyna taǵaıyndalǵan Serik Jumanǵarınniń ornyna keldi.

EEK-tiń jańa mınıstriniń Qazaqstannyń memlekettik bılik organdarynda basshylyq jumysta mol tájirıbesi bar.

Ár jyldary Arman Shaqqalıev Qazaqstan Respýblıkasynyń qarjy, ekonomıka jáne bıýdjettik josparlaý mınıstrlikterinde basshylyq qyzmetter atqardy. 2008 jyldan 2016 jylǵa deıin Qazaqstan standarttaý jáne sertıfıkattaý ınstıtýtynyń dırektory boldy. 2016 jyldan 2018 jylǵa deıin EEK tehnıkalyq retteý jáne akkredıtteý departamentin basqardy.

Básekelestik jáne monopolııaǵa qarsy retteý jónindegi mınıstr laýazymyna taǵaıyndalar aldynda EEK Qazaqstan Respýblıkasynyń Investıtsııalar jáne saýda mınıstrliginde, Saýda jáne ıntegratsııa mınıstrliginde tehnıkalyq retteý jáne metrologııa komıtetiniń tóraǵasy laýazymyn atqardy.