+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Arqalyqtaǵy qyz zorlaý oqıǵasy: Jigitterdiń ata-anasy jábirlenýshige qarsy shaǵymdanbaq

2019 jylǵy 12 qyrkúıek 12:31
Bólisińiz:
Arqalyqtaǵy qyz zorlaý oqıǵasy: Jigitterdiń ata-anasy jábirlenýshige qarsy shaǵymdanbaq

QOSTANAI. QazAqparat – Arqalyq qalasyndaǵy qyz zorlaý oqıǵasy boıynsha tergeý jumystary jalǵasyp jatyr. Alaıda, oqıǵa kýágerleriniń ata-analary jábir kórgen qyzǵa qarsy shaǵym túsirmek, dep habarlaıdy QazAqparat.

Uqsas jańalyqtar
Arqalyqtaǵy qyz zorlaý oqıǵasy boıynsha qylmystyq is qaıta qozǵaldy Shymkentte dáriger medbıkeni jumys ornynda zorlady degen kúdikke ilindi QTJ Bas prokýratýradan qyz zorlaǵan jolserikterdiń jazasyn kúsheıtýdi surady

Іs materıaldaryna súıensek, Arqalyq qalasy Ekidiń aýylynyń 22 jastaǵy turǵyny ózin 14 adamnyń zorlaǵanyn aıtyp, belgili advokat Aıman Omarovaǵa hat jazǵan. Jábirlenýshi ózine zábir kórsetkenderdiń barlyǵy da bostandyqta júrgenin aıtyp, zańgerden kómek surady. Atalǵan fakt boıynsha qostanaılyq polıtseıler sotqa deıingi tergeý jumystaryn júrgizdi.

Búgin osy iske qatysty kúdikke ilingen 13 adamnyń ata-analary oblystyq polıtsııa departamenti ǵımaratyna kelgen. Maqsaty – qylmystyq isti toqtatyp, aryzdanýshy tarapqa qarsy shaǵym berý. Ata-analardyń biri Nesip Júsipovanyń aıtýynsha, tergeý barysynda birqatar is-sharalar júrgizilgen, sonyń ishinde barlyq kúdiktilerge qatysty sot-genetıkalyq saraptama jasaldy. Degenmen, saraptama kúdiktilerge qatysty teris nátıje kórsetken.

«Ulym N. bıyl Arqalyq pedagogıkalyq kolledjin bitirdi. Áskerge attanýy kerek edi. Biraq, myna jaǵdaıdyń kesirinen qalyp qoıyp otyr. Osy istiń sońynda júrgenimizge bir jyl, segiz aı boldy. Arqalyqtyń ar jaǵynan 200 shaqyrym jerden óz qarajatymyzben kelemiz. Balamyzǵa qara kúıe jaǵyldy dep esepteımin. Saraptama júrgizip, polıtsııa saýaldaryna jaýap berý úshin Qostanaıda birneshe kún páter jaldap turýǵa májbúr bolamyz. Arqalyqtan da, Qostanaıdan da DNQ saraptama alyndy, ol teriske shyqty. Qyzben de bettestirdi. Qorǵaýshy Aıman Omarova da kelip, qyzdyń janynda boldy. Qyzdyń ne dep jaýap bergenin kórdi. Qaıtadan DNQ saraptama jasatyp, jaýap alyp jatyr. Balalarymyz ne jumysyn isteı almaıdy, ne áskerine bara almaıdy. DNQ saraptamasyn qaıta-qaıta tapsyrta berýge biz de qarsymyz. Búgin osy 13 balanyń ata-anasy kelip otyrmyz. Tún uıqydan, kúndiz kúlkiden aıyryldyq», - dep muńyn shaqty Nesip Júsipova.

Bastapqyda kúdikke ilingen 13 adamnyń qorǵaýshysy Bektas Ámirov saraptamalar teriske shyqsa, isti toqtatý qajet dep sanaıdy.

«2018 jyldyń 15 sáýirinde Ekidiń aýylynyń feldsheri qyzdy qaraý kezinde aıaǵy aýyr ekenin baıqaǵan. Sol ýaqytta júktilik 28 apta bolǵan. Qyzdyń anasy Arqalyq ІІB-ne baryp, kúdikti adamdar bar dep aryz jazady. Men bastapqydaǵy 14 kúdiktiniń 13-niń qorǵaýshysymyn. DNQ saraptamasy teriske shyqqan soń olar oqıǵa kýágeri retinde tanylyp otyr. Osy aıdyń aıaǵy nemese kelesi aıdyń basynda taǵy bir saraptama qorytyndysy keledi. Zań boıynsha saraptama qorytyndysy teriske shyqsa, is toqtatylady. Ózim qorǵap júrgen azamattarǵa Bas Prokýratýraǵa, ІІM-ne jábirlenýshi tarapqa qarsy jala japqany úshin QR QK 129-babyna súıenip, shaǵym jazyńdar dep otyrmyn. Rasymen de, jigitterdi jazyqsyz, tekke qýdalady», - deıdi qorǵaýshy.

Bul derek boıynsha Qostanaı oblysy polıtsııa departamenti tergeý basqarmasynyń bastyǵy Nurlan Arystanov málimdeme jasady.

«Osy fakti boıynsha áýeli tórt qylmystyq is qozǵaldy. Úsheýi – kisi zorlyǵy, qalǵany – adam urlaý deregi. Keıin bular bir iske biriktirildi. Barlyq kúdiktiden jaýap alyndy. 22 jastaǵy jábirlenýshimen kezdesý ótkizildi. Barlyq tarap qylmys jasalǵan kezdegi dálelderin rastady. Qazirgi ýaqytta bul qylmystyq isti toqtatý týraly sheshimniń zańdylyǵyn tekserý úshin oblystyq prokýratýra jumys istep jatyr. Kúdiktilerdi ustaýǵa zańdy negiz joq» — deıdi Nurlan Arystanov.

Buǵan deıin Arqalyq qalasynda bolǵan qyz zorlaý oqıǵasy boıynsha tergeý jumystary qaıta qolǵa alynǵanyn habarlaǵan bolatynbyz.

«6 qyrkúıek kúni Qostanaı oblystyq prokýratýrasynda 22 jasar qyzdy 14 adam zorlady degen fakti boıynsha tergeý-tekserý isi qaıta qolǵa alyndy. Polıtsııa departamentine tıisti tergeý jumystaryn júrgizý júkteldi. Qylmystyq is oblystyq prokýratýranyń jiti nazarynda» delingen QR Bas prokýratýrasy taratqan habarlamada.



Bizdiń kanalymyzǵa jazylyńyz:

Basty sózder: Zań, Oqıǵa, Qostanaı oblysy,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT