+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Arhımed Muhambetov: Kásipkerlerge qysym jasalmaýy tıis

2020 jylǵy 20 qańtar 15:29
Bólisińiz:
Arhımed Muhambetov: Kásipkerlerge qysym jasalmaýy tıis

QOSTANAI. QazAqparat – Qostanaı oblysynyń ákimi Arhımed Muhambetov apparat májilisinde aýdan ákimderine eskertý jasady, dep habarlaıdy QazAqparat.

Uqsas jańalyqtar
«Kentaý» ındýstrıaldy aımaǵynda 7 joba iske qosylady Baqyt Sultanov Qazaqstandaǵy Koreıa elshisimen eki eldiń saýda-sattyq máselesin talqylady Báıterek holdıngi shtat sanyn qysqartady

2019 jyly Qostanaı oblysynyń eki aýdanynda óndiris kólemi azaıǵan. Ásirese, Denısov jáne Naýyrzym aýdandarynyń kórsetkishteri kóńil kónshitpeıdi. Ónim óndirý kólemi men ınvestıtsııa tartý qarqyny kemigen. Alaıda, nátıjeleri tómen óńirdiń basshylary bunyń ózindik sebepterin aıtty.

«Eginniń shyqpaı qalýynyń kesirinen josparymyz júzege asqan joq. Byltyr et pen un baǵasynyń tómendeýi ekonomıkaǵa áser etti. Óndiris óniminiń kórsetkishi 2 mlrd 493 mln teńgeni qurady. Bul oblys nátıjesiniń 0,2 paıyzyna jetedi. Aýdandaǵy áleýetti degen «Qostanaı Treıd» et óńdeý kásipornynyń ıesi aýysyp ketti. Osyndaı sebepterdiń áserinen jalpy kórsetkishimiz tómendedi»,-dep baıandady aýdan ákimi B.Nurǵalıev.

Mundaı jaǵdaı Naýyrzym aýdanynda da qaıtalanyp otyr. Eginniń jalpy túsimi 116,2 myń tonnaǵa azaıǵan.

«Turǵyn úı salýǵa eginniń qandaı qatysy bar? Jumys júıeli júrgizilmegen. Kásipkerlermen naqty jumys júrgizilmeıdi. Kerisinshe, aryz-shaǵym aıtýshylar kóbeıgen. Olarǵa qysym jasaǵansha, kómektesý kerek. Jumys durys jolǵa qoıylmaǵan. Kórsetkishterińiz kóńil kónshitpeıdi. Aýdan basshylarynyń ózderi eshqandaı bastama kótermeıdi, júktelgen tapsyrmalar da oryndalmaǵan. Naýyrzymda negizgi kapıtalǵa salynǵan ınvestıtsııa (jeke ındeks kólemi 83 %) aýdandar boıynsha sońǵy orynda tur. Qurylys jumystarynyń kólemi 73%-ten aspaıdy. Bul da eń tómengi nátıje. Óńirlerde «Eńbek» baǵdarlamasy boıynsha jumystardy jandandyrý qajet. Investıtsııa tartý máselesine qatty kóńil bólgen jón. Osylaısha bıýdjetten shyǵatyn shyǵyndy azaıtqan jón», - dep eskertý jasady A.Muhambetov aýdan ákimderine.

Jalpy respýblıkalyq kórsetkish boıynsha, 2019 jyly Qostanaı oblysy ónim óndirý kólemi boıynsha aldyńǵy orynda tur.


Bizdiń kanalymyzǵa jazylyńyz:

Basty sózder: Qostanaı oblysy, Ákim, Ekonomıka,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT