+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Arhımed Muhambetov azyq-túlik baǵasynyń ósýine jol bergen ákimderdi synǵa aldy

2019 jylǵy 23 qyrkúıek 14:34
Bólisińiz:
Arhımed Muhambetov azyq-túlik baǵasynyń ósýine jol bergen ákimderdi synǵa aldy

QOSTANAI. QazAqparat – Arhımed Muhambetov óńirdegi azyq-túlik baǵasynyń kóterilýine jol bermeý úshin keshendi sharalar qabyldaýdy tapsyrdy, dep habarlaıdy QazAqparat.

Uqsas jańalyqtar
Pavlodarda azyq-túlik baǵasy arzandady Qazaqstanda jańa pisken jemistiń baǵasy arzandady Áleýmettik mańyzy bar azyq-túlikterdiń qymbattaǵanyn habarlaýǵa bolatyn portal qurylady

Respýblıkadaǵy un ónimderiniń 30%-ten astamy Qostanaı oblysynda óndiriledi. Soǵan qaramastan, oblysta jyl basynan beri un ónimderi men kúrish, qaraqumyq, kartop, sábiz, kartop, jýa, sary maı, et, sút taýarlarynyń baǵasy edáýir qymbattaǵan. Ásirese, áleýmettik mańyzy bar azyq-túlik baǵasynyń kóterilýi jurtty alańdatyp otyr. Oblys ákimi Arhımed Muhambetov apparat májilisinde osy másele boıynsha tıisti basqarma basshylary men ákimderge birqatar tapsyrma berdi.

Aýyl sharýashylyǵy basqarmasynyń basshysy Jasulan Táýkenovtyń aıtýynsha, un jáne sút ónimderiniń qymbattaýyna shıkizat qunynyń ósýi yqpal etken. Sońǵy ýaqytta bıdaıdyń baǵasy tonnasyna 60 myńnan 75 myń teńgege, súttiń lıtri 90-nan 110 teńgege ósken. Keıbir aýdandar men qala ákimdikteri baǵany turaqtandyrý sharalaryn durys júrgizbeı otyr. Máselen, oblys ortalyǵynda birinshi surypty un 163 teńge, Qamysty aýdanynda birinshi surypty bir bólke nan 85 teńge turady.

«Bıyl oblysta áleýmettik mańyzy bar azyq-túlik taýarlarynyń qymbattaýyna jol bermeý maqsatynda 376 jármeńke uıymdastyrylyp, nátıjesinde 5 myń tonnaǵa jýyq ónim naryq baǵasynan 15-20% tómen baǵaǵa saýdalanǵan. Qyrkúıek aıynyń sońynda aýdan sharýashylyqtarynyń qatysýymen taǵy bir jármeńke uıymdastyrylmaq. Baǵany turaqtandyrý maqsatynda óńirdegi azyq-túlik ónimderin shyǵaratyn iri kásiporyndarǵa Qostanaı jáne Rýdnyı qalalarynda 208 saýda orny men 120 saýda sóreleri bólingen. Bul jergilikti ónimdi eshbir deldalsyz tikeleı tutynýshyǵa arzan baǵamen satýǵa qol jetkizip otyr», - dedi basqarma basshysy.

Oblys basshysy azyq-túlik baǵasynyń negizsiz qymbattaýyna jol bergen qala, aýdan basshylaryn synǵa alyp, Qamysty aýdanynda nan baǵasyn, Qarabalyq aýdanynda suıyq maıdyń baǵasyn arzandatýǵa bir jeti ýaqyt berdi.

«Búginde oblystyń turaqtandyrý qorynda azyq-túlik jetkilikti. Arzan un men maıdy sodan alý kerek. Keıbir azyq-túliktiń baǵasy ósip barady. Baǵany tejeý úshin naqty, keshendi sharalar qoldanylý qajet. Eń birinshi kezekte, nan baǵasyn turaqty ustap turý qajet. Bıylǵy qýańshylyq nannyń qymbattaýyna negiz bolmaý kerek. Oblys 4 jyl boıy jaqsy egin aldy. Sonyń arqasynda jergilikti dıirmender materıaldyq bazasyn nyǵaıtyp, edáýir qoń jınap aldy. Endi, ásirese, birinshi sortty unnyń qymbattamaýy solarǵa júıktelýi tıis. Ár dıirmenge bir-bir aýdannan bekitip, sol aýdandaǵy nan baǵasyn turaqty ustap turýdy tapsyrý qajet. Jalǵyz aýyl sharýashylyǵy jármeńkelerin uıymdastyrý arqyly ǵana baǵany turaqtandyra almaımyz», - dedi oblys ákimi.

Arhımed Muhambetov halyq kóp baratyn iri saýda oryndaryndaǵy áleýmettik mańyzy bar azyq-túlik taýarlarynyń baǵasyn qatań baqylaýda ustaýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT