+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Arhımed Muhambetov: Ataýly kómek halyqty masyldyqqa emes, eńbekke yntalandyrýy tıis

2019 jylǵy 22 shilde 11:50
Bólisińiz:
Arhımed Muhambetov: Ataýly kómek halyqty masyldyqqa emes, eńbekke yntalandyrýy tıis

QOSTANAI. QazAqparat – Sáýir aıynan keıin oblysta ataýly áleýmettik kómek alatyndardyń sany 5 esege ósken. Bul týraly oblys ákimdiginde ótken keńeıtilgen otyrysta Jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnár Ábenova aıtty, dep habarlaıdy QazAqparat.

Uqsas jańalyqtar
Tarazda bólimniń bas mamany AÁK áperemin dep 200 myń teńge para alǵan Jyl basynan beri balalarǵa arnalǵan járdemaqyǵa bıýdjetten 162 mlrd teńge tólendi Ataýly áleýmettik kómekti toqtatý, zańsyz alý jáne shara qoldaný  - mınıstrlik ókili jaýap berdi

Qostanaı oblysynda jyl basynda ataýly áleýmettik kómek 8 myńdaı adamǵa berilse, qazir olardyń sany 40 myńǵa jýyqtap otyr. Osylaısha, óńirde 8 289 otbasyna 1711,4 mln teńge kóleminde ataýly áleýmettik kómek berilgen. Gúlnár Ábenovanyń aıtýynsha, ataýly áleýmettik alatyndardyń 2148-i – kóp balaly otbasylar. Al 2 jarym myńǵa jýyq adam eńbekke qabiletti jasta.

«Búginde «Eńbek» baǵdarlamasy boıynsha kóp balaly jáne turmysy tómen azamattardy, jastardy jumyspen qamtý úshin qosymsha qarjy bólingen. Bul qarjy «Bastaý bıznes» kásipkerlik jobasy aıasynda jumyssyzdarǵa shaǵyn nesıeler bólip, olardyń kásipkerlikpen aınalysýyna yqpal etedi. Biz bul jumystardy áli de júıeleı túsetin bolamyz. Ásirese, jas mamandarǵa kóp kóńil bólinedi», - dedi basqarma basshysy.

Oblys ákimi Arhımed Muhambetov barlyq aýdandar men qalalarda ataýly áleýmettik kómek alýshylardy anyqtaý barysynda muqııat bolýdy tapsyrdy.

«Keıbir azamattar ataýly áleýmettik kómek alý úshin ótirik ajyrasý, jumystan shyǵý, óz múlkin basqaǵa jazý arqyly tabysyn azaıtyp kórsetý, qolyndaǵy malyn soıyp tastaý sııaqty alaıaqtyqqa barady. Buǵan jol bermeý kerek. Sondyqtan barlyq aýdandar men qalalarda ataýly kómek bólýdi qatań baqylaýǵa alyp, kez kelgen alaıaqtyq pen jemqorlyqty qatań jazalaý kerek. Kómek ataýly túrde kórsetilýi tıis. Bul – Úkimet otyrysynda Memleket basshysy Qasym-Jomart Toqaevtyń barlyq óńirlerge bergen tikeleı tapsyrmasy. Áleýmettik baǵdarlama az qamtylǵan otbasylardyń ómir súrý sapasyn jaqsartýǵa baǵyttalǵan. Sondyqtan ataýly áleýmettik kómek halyqty masyldyqqa emes, eńbekke yntalandyrýy tıis», - dedi oblys basshysy.

A.Muhambetov aýdan jáne qala ákimdikterine memlekettik baǵdarlamalardyń múmkindikterin tıimdi paıdalana otyryp, eńbekke qabiletti ataýly áleýmettik kómek alýshylardy turaqty jumyspen qamtý, olardyń turmysyn jaqsartý baǵytyndaǵy sharalardy jalǵastyrýdy tapsyrdy.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT