+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Arheologtar ShQO-daǵy Eleke sazynan 850 altyn buıym tapty

2020 jylǵy 3 qyrkúıek 22:49
Bólisińiz:
Arheologtar ShQO-daǵy Eleke sazynan 850 altyn buıym tapty

ÓSKEMEN. QazAqparat – Ál-Farabı atyndaǵy Qazaq ulttyq ýnıversıtetiniń ǵalymdary arheolog ári professor Ábdesh Tóleýbaevtyń jetekshiligimen Shyǵys Qazaqstan oblysy Tarbaǵataı aýdanyndaǵy Eleke sazynan saq qoǵamynyń bıleýshisine tıesili at-ábzelderin tapty, dep habarlaıdy QazAqparat tilshisi.

Zertteý jumystarynyń nátıjesinde tabylǵan 850 altyn buıymnyń barlyǵy saltanatty at sherýine arnalǵan. Ǵalymdardyń baǵamdaýynsha, qazyna orta saq dáýirine tıesili. Shamamen bizdiń zamanymyzǵa deıingi V-IV ǵasyrlardyń enshisindegi jádigerler.

«Qazynany qorǵannyń ózinen tapqan joqpyz. Bul kósemniń zıraty qulshylyq orny ekeninen habar beredi. Kósem qaıtys bolǵan soń osy aýmaq kıeli oryn dep sanalyp, oǵan kelgen halyq ata-baba rýhyna syıynǵan. Saqtar men keıingi túrik taıpalarynda osyndaı dástúr bolǵan. Soǵan baılanysty biz munda el bılegen kósem jerlendi degen tujyrym jasadyq», - dedi Ábdesh Tóleýbaev.


Tabylǵan artefaktilerden saq qoǵamy baı men kedeı dep topqa bólingenin ańǵarýǵa bolady. Ǵalymdardyń pikirinshe, úlken qulaqty jolbarys-pantera úlgisinde jasalǵan alqa erekshe qyzyǵýshylyq týdyrady. Mıfologııalyq janýardyń aıaǵyna ilingen qońyraý da bar. Sondaı-aq ǵalymdardy eki shynjyr symdaǵy aqyq tastary bar alqa qyzyqtyrdy.

«Ejelgi sheberler birin-biri qaıtalamaǵany kórinip tur. Árbir sheberdiń ózindik qoltańbasy baıqalady. Barlyq tabylǵan zat muqııat jasalǵan. At-ábzelderiniń deni juqa folgadan ázirlengen. Altynnan tyǵyzdalyp jasalǵan at-ábzelderin buǵan deıin kezdestirgen joqpyn», - dedi Ábdesh Tóleýbaev.


Taǵy bir erekshe dúnıeniń biri – mysyq tuqymdastarǵa jatatyn mıfologııalyq qulaqty jyrtqysh ań beınelengen alqa. Aıta keteıik, Tarbaǵataı jerin mekendegen saqtardyń bul qolónerleri bizdiń dáýirimizge deıingi V- IV ǵasyrlarǵa tıesili. Tabylǵan jádigerlerdiń ereksheligi – sapasy men bir-birine uqsamaıtyndyǵynda jatyr.

Sondaı-aq arheolog qorǵannan 50 metr jerde qola men altyn quıatyn ustahana tabylǵanyn atap ótti. Ábdesh Tóleýbaevtyń aıtýynsha, tabylǵan jádigerler – bul zertteý jumystarynyń bastapqy nátıjesi ǵana. Óıtkeni arheologtardyń aldaǵy ýaqytta atqaratyn jumystary jeterlik. Taıaý arada olar 4 kishi qorǵandy zertteýge kirisedi.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT