+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Arheologtar kóne Saraıshyq ornynan jylqy beınesinde jasalǵan jez kiltti tapty

2019 jylǵy 2 jeltoqsan 14:39
Bólisińiz:
Arheologtar kóne Saraıshyq ornynan jylqy beınesinde jasalǵan jez kiltti tapty

ATYRAÝ. QazAqparat- Atyraý oblysynyń ákimi Nurlan Noǵaev Mahambet aýdanyna sapary kezinde «Saraıshyq» memlekettik tarıhı-mádenı mýzeı-qoryǵynyń bolashaqta salynatyn sapar-ortalyǵynyń qurylys alańymen tanysty, dep habarlaıdy QazAqparat tilshisi.

Sapar-ortalyǵynyń qurylysy syrtqy jáne ishki týrızm kóleminiń kóbeıýine, adamdardyń qasıetti Saraıshyq qalashyǵyna erekshe nazar aýdarýyna septesedi dep kútilýde. Bul nysan týrıster men kelýshilerge tolyqqandy jaǵdaı jasaýǵa múmkindik beretin tutas keshen bolmaq. «Saraıshyq» tarıhı-mádenı mýzeıiniń dırektory Ábilseıt Muhtardyń aıtýynsha, arheologtar HІH ǵasyrdyń orta sheninde jasalǵan karta boıynsha, qalashyqtyń baǵzy qamalyn tabý maqsatynda bıyl da kóne shahardyń ornynda qazba jumystaryn júrgizgen. Osy qazba jumystary kezinde dıirmen tasy, Ózbek han bılik qurǵan ýaqytta jasalǵan mys tıyndar tabylǵan. Sońǵy jádigerler 1330-1350 jyldary Saraıshyqta soǵylǵan deýge tolyq negiz bar deıdi tarıhshylar. Arheologtar kóne qysh buıymdardy da oljalaǵan. Mundaı sıpattaǵy keramıkalar HІІ ǵasyrda jasalǵan. Sondaı-aq, jasalǵanyna eki myń jyldaı bolǵan aına synyǵy men tas kelsaptar jáne ártúrli kezeńdegi jebe ushtary tabylǵan. Al, arheologtardyń kezekti oljasy - jylqy beınesinde jasalǵan jez kilt - álemniń kez kelgen aldyńǵy qatarly mýzeıleriniń ekspozıtsııasynan oıyp turyp oryn alatyndaı jádiger.

Aıtpaqshy, mýzeı qyzmetkerleri, aımaq basshysyna qazba jumystaryna qatysqan ǵalymdardyń biri - Astrahan qalasynyń tarıhı-sáýlet mýzeı-qoryǵynyń arheologııa sektorynyń meńgerýshisi Vıacheslova Plahovtyń osy tektes kilttiń Ermıtaj jádigerleriniń arasynda da bar ekendigin málimdegenin jetkizdi. Oblys ákimi tarıhymyzdy saqtaýǵa baǵyttalǵan mundaı jumystardyń mańyzdylyǵyna toqtalyp, atalǵan iste jergilikti atqarýshy organdar jan-jaqty qoldaý bildiretinin atap ótti. Ótken jyly kóne Saraıshyq qalashyǵy mańynda qorǵaý-jaǵalaý bógetin salý jumystary aıaqtalǵanyn esterińizge sala keteıik. Bul tarıhı orynnyń Jaıyq ózeni sýlarymen shaıylýyna jol bermedi. Eki jyl ishinde qurylysshylar bıiktigi 3,6 metr bolatyn bir jarym kılometr qorǵaý-jaǵalaý bógetin turǵyzdy.

Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT