+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Argentınada Dımash Qudaıbergenge arnalǵan shaǵyn oıyn shyqty

2021 jylǵy 6 naýryz 23:55
Bólisińiz:
Argentınada Dımash Qudaıbergenge arnalǵan shaǵyn oıyn shyqty

NUR-SULTAN.QazAqparat - La Era Dimash radıosynyń qyzmetkerleri Dımashqa arnalǵan veb-oıyndar serııasyn shyǵardy.

Uıymdastyrýshylardyń pikirinshe, bul oıyndar ánshiniń ónerine tánti azamattardyń karantındegi ómirin qyzyqty ótkizýine septigin tıgizedi, dep habarlaıdy QazAqparat Dimashnews.com saıtyna silteme jasap.

La Era Dimash Paole Profeta stantsııasynyń shyǵarǵan qyz endi osyndaı oıyn oılap tapqan.

Ol radıonyń grafıkalyq dızaınyna jaýapty Sılvane Agırreden ıdeıany júzege asyrýǵa kómektesýin surap, olar birlesip, oıynǵa qajetti quraldardyń beınesin oılastyrǵan. Aıtalyq, ol Báıterek nemese Aqtóbe qalasynyń kórikti jerleri bolýy kerek edi.

Oıyn óte qarpaıym qosymshanyń kómegimen júzege asyrylady jáne ony tegin oınaýǵa ábden bolady. Dımashtyń ónerine tánti azamattar La Era Dimash radıosynyń jańa jobasyn birden qoldady. Qazaqstandyq ánshiniń ónerine bas ıetin ártúrli jastaǵy adamdar da rızashylyq bildirdi. Óıtkeni oıyn óte ońaı ári ýaqytty qyzyqty ótkizýge kóp kómektesedi.

Qazirgi tańda La Era Dimash ózge de qyzyqty jobalardy daıyndap jatyr. Olar Qazaqstan mádenıeti men Dımash týraly qosymsha-vıktorına shyǵarmaqshy.

Aıta keteıik, 2020 jyldyń 15 shildesinde Dımashqa jáne onyń ónerine tánti azamattar úshin tuńǵysh kúndiz-túni habar taratatyn La Era Dimash radıostantsııasy iske qosylǵan edi.

Tek Dımashtyń ǵana ánderi oryndalatyn radıo uıymdastyrý ıdeıasyn ánshiniń ónerine tánti argentınalyq Paole Profeta 2019 jyly kótergen bolatyn.

«Biz karantın sııaqty oqshaýlanýǵa májbúrleıtin qıyn-qystaý ýaqytta Dımashtyń tyńdamandary úshin ánshige arnalǵan vıdeooıyn oılap tapsa jaqsy bolar edi degen oıda boldyq»,-deıdi Paola Profeta.


Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT