+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Arbaǵa tańylǵan aqtóbelik taǵdyrlastaryna turmystyq tehnıka jóndeýdi úıretýde

2020 jylǵy 15 aqpan 18:14
Bólisińiz:
Arbaǵa tańylǵan aqtóbelik taǵdyrlastaryna turmystyq tehnıka jóndeýdi úıretýde

AQTÓBE. QazAqparat - Aqtóbeniń Shalqar qalasynda turatyn Erlan Aldashev «Shalqar saıasy» múgedekterdi qoldaý ortalyǵyn ashyp, óz kásibin dóńgeletip otyr. Ol ózi sekildi múmkindigi shekteýli jandardy jumyspen qamtý úshin tehnıka jóndeýdiń qyr-syryn úıretip júr, dep habarlaıdy QazAqparat tilshisi.

Uqsas jańalyqtar
Inara Namazbaeva: Biriksek, biz almaıtyn qamal joq Elordanyń jedel shtaby karantın kezinde qyzmeti toqtaýy tıis nysandardyń tizimin jarııalady «Bastaý» baǵdarlamasy: Aqtóbe oblysynyń aýdandarynda shaǵyn tsehtar betperde tige bastady

Erlan Aldashev jas kezinde abaısyzda poıyz astyna túsip, eki aıaǵynan birdeı aıyryldy. Aýrýhanada em qabyldap jatqan kezde mektep bitirgen súıiktisi únemi janynan tabylyp, tórt aı boıy bar kútimin jasady. Ýaqyt ozdyrmaı eki jas shańyraq kóterip, toqsanynshy jyldardaǵy turmys aýyrtpalyǵymen birge kúresedi. Otaǵasy bala kezinen turmystyq tehnıkalardy jóndep, mashyqtanǵan. Qoqysqa laqtyrǵan talaı dúnıeni qaıta jóndep, kóp adamnyń alǵysyn aldy. Birde kórshisi buzylǵan teledıdaryn ákelip, jóndetip alady. Osydan keıin ony izdeýshiler qatary birte-birte kóbeıip, turmystyq tehnıkalar shaǵyn úıine syımaı ketedi. Keıin aýyl turǵyndary ony «Telemaster Erlan» dep ataıtyn bolǵan.
Shaǵyn bólmede turmystyq tehnıkalardyń názik talshyqtaryn lýpamen qarap, erteli-kesh kóz taldyratyn azamattyń áý bastan alǵa qoıǵan maqsaty bıik edi. Onyń negizgisi — taǵdyrlastarynyń jolyn ashýǵa septesý, olarmen dıdarlasatyn orta qurý edi. Sóıtip ol 2017 jyly «Shalqar saıasy» múgedekterdi qoldaý ortalyǵy» qoǵamdyq birlestigin quryp, osy atpen «Damý» qorynan alǵan 6 mln teńgege shaǵyn sheberhana ashty. Jańa ǵımarattaǵy turmystyq buıymdardy jóndeý, tigin tsehy, massaj bólmesi bar. Onda tek múmkindigi shekteýli azamattar jumys isteıdi. 7 adam osy jerden nápaqasyn taýyp otyr. Al 2018 jyly «Áreket» jobasy aıasynda 500 myń teńge grant utyp alyp, múmkindigi shekteýli jandarǵa óz kásibin úıretetin 12 oryndyq kabınet ashty. Qazir shákirtteri plazmalyq, suıyq krıstaldy, led ekrandy jańa teledıdarlardy jóndeýdi meńgerip júr. Qosalqy quraly tabylsa, kez kelgen tehnıkany iske qosady. Eger sáıkes keletin qosalqy bólshekteri tabylmasa, elimizdiń bas qalalarynan, TMD elderine tapsyrys beredi.


«Elimizde múmkindigi shekteýli jandar úshin túrli qoldaý sharasy qarastyrylǵan. «Nur Otan« partııasynyń áleýmettik jobalary da biz sekildi adamdardyń yntasyn arttyrady. Qoǵamǵa paıdaly bolý biz úshin mańyzdy. Onyń ústine jaqsy turmys keshýge bárimiz quqylymyz. Meniń sanatymdaǵylardyń arasynda has sheberler bar. Tek olardy tanyp, bilý kerek. Biz qurǵan ortalyq osyndaı jandardy qoldaýdy, áleýmettik qoǵamdyq ómirge aralasýyn qamtamasyz etýdi kózdeıdi», - deıdi ol.

Aıta keteıik, ІІ top múgedegi Aımangúl Qoblasheva osy birlestiktiń arqasynda úıde erkin qoldanýǵa ıkemdelgen jaıly arbaǵa qol jetkizipti. «Shalqar saıasy» birlestiginiń qoldaýymen Meırambek Saǵynaevtyń úıine aýyz sý qubyry tartyldy.
Resmı derekterge súıensek, Shalqar aýdanynda 892 múmkindigi shekteýli jan turady. Onyń 368-i jeńil jumysqa jaramdy.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT