+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

«Araltuz» óniminiń sapasy jaıly alyp-qashpa áńgime shyndyqqa janasa ma

2020 jylǵy 18 qańtar 16:42
Bólisińiz:
«Araltuz» óniminiń sapasy jaıly alyp-qashpa áńgime shyndyqqa janasa ma

QYZYLORDA. QazAqparat - Sońǵy ýaqytta áleýmettik jelide Qyzylorda oblysy Aral aýdanynda ornalasqan «Araltuz» aktsıonerlik qoǵamynyń ónimderi jaıynda beınematerıaldar jıi jarııalanyp júr. Onda kásiporynnyń menshik ıesi retinde sheteldik kompanııa sanalatyny, ónim ishinde shyny, shúberek sekildi zattardyń bar bolýy kórsetilgen. Bul jaǵdaılar shyndyqqa saı kele me? Ol jóninde kásiporyn basshylyǵy men tıisti sala mamandary ne deıdi? Osyǵan oraı QazAqparat tilshisi taraptardyń oı-pikirin bilgen edi.

«Araltuz» AQ prezıdenti Aıdynbek Taýasarov sońǵy ýaqytta áleýmettik jelide taratylyp jatqan aqparattyń shyndyqqa sáıkes kelmeıtinin resmı málimdedi. Onyń aıtýynsha, kásiporyn tuzynyń quramynda epsomıt jáne astrahanıt sekildi tabıǵı mıneraldardan turatyn tabıǵı erimeıtin tunba bar. Olar - aǵza úshin absolıýt beıtarap. Óńdeýge kelip túsetin shıkizat ta ekologııalyq tazalyǵymen erekshelenedi. Kásiporynnyń barlyq ónimin EAEO aýmaǵynda akkredıttelgen táýelsiz zerthanalar tekseredi. Bul oryndar tıisinshe sáıkestik deklaratsııasyn bergen.

«1925 jyldan beri jumysyn júrgizip kele jatqan kásiporyn elimizdegi as tuzynyń jetekshi óndirýshisi sanalady. Bizdiń ónimimiz Qazaqstan jáne TMD aýmaǵynda joǵary baǵalanatyn otandyq brend retinde qalyptasty. Búginde kásiorynda 1200-den astam adam eńbek etedi. «Araltuzdyń» menshik ıeleri kompanııa qurylǵannan beri qazaqstandyq kásipkerler boldy. Qazirgi tańda tolyq aktsııasy qazaqstandyq kásipkerlerge tıesili. Eshqandaı sheteldik tarapqa satylǵan joq jáne úlesine sheteldikter qosylmaǵan. Osyǵan sáıkes biz sońǵy ýaqytta áleýmettik jelilerde taratylyp jatqan aqparattyń shyndyqqa sáıkes kelmeıtinin resmı málimdeımiz», - dedi A.Taýasarov.

Ol as tuzy quramynda tabıǵı erimeıtin tunba bolatynyn atap ótti. Ol kez kelgen tabıǵı tuzda, ásirese tunba tuzda kezdesedi.

«Іs júzinde «shyny» retinde qabyldanyp júrgen epsomıt, astrahanıt degen mıneraldar. Olar biz óndiretin tuzdarda buryn da bolǵan, ol standart normalary boıynsha kelisilgen erimeıtin qaldyq. Epsomıt – magnezııa nemese aǵylshyn tuzy dep atalatyn, móldir tústi tabıǵı mıneral. Ol sýly magnıı sýlfaty – adam aǵzasynyń qalypty áreket etýi múmkin bolmaıtyn zattek. Astrahanı́t — mıneral, sýly natrıı jáne magnıı sýlfaty, ol adam aǵzasy úshin absolıýt beıtarap jáne aǵzaǵa túsken kezde tabıǵı jolmen shyǵarylady. «Araltuz» AQ ónimderi barlyq standartqa sáıkes shyǵarylady. Kompanııa ISO 9001, ISO 22000, HACCP jáne Halal sertıfıkattaryna ıe bolǵan», - dedi Aıdynbek Taýasarov.

Osy oraıda ónim sapasy jóninde Qyzylorda oblysynyń taýarlar, kórsetiletin qyzmetterdiń sapasy men qaýipsizdigin baqylaý departamenti mamandarynyń pikirin bilýdi jón kórdik. Mamandar kásiporyn ónim sapasynda adam densaýlyǵyna qaýip tóndiretin eshqandaı qospa joq ekenin málim etti.

«Aral aýdandyq taýarlar, kórsetiletin qyzmetterdiń sapasy men qaýipsizdigin baqylaý basqarmasy 2019 jyldyń birinshi jartyjyldyǵynda «Araltuz» aktsıonerlik qoǵamyna tekserý sharalaryn júrgizdi. Tekserý barysynda kásiporyn óniminen 8 tuz synamasy alynyp, onyń 5-nen ıod quramy qalypqa saı bolmaǵany anyqtaldy. Tuzdyń organıkalyq kórsetkishteri, hlorly natrıı, ıon-kaltsıı, ıon-magnıı, ıon-sýlfat, sýda erimeıtin qaldyq, ylǵaldyń taza úlesteri, qorǵasyn men kadmıı ruqsat etilgen deńgeıde, Adam densaýlyǵyna qaýip tóndiretin kúmándi qospalar anyqtalǵan joq», - dedi Qyzylorda oblysynyń taýarlar, kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Ulbosyn Ahanaeva.

Foto: egemen.kz

Bizdiń kanalymyzǵa jazylyńyz:

Basty sózder: Ónerkásip, Qyzylorda oblysy, Qoǵam,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT