+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Aralda tanaýqurt aýrýynan 30-dan astam túıe óldi

2020 jylǵy 31 mamyr 13:30
Bólisińiz:
Aralda tanaýqurt aýrýynan 30-dan astam túıe óldi

ARAL. QazAqparat - Qyzylorda oblysy Aral aýdanynda aýrý saldarynan mamyr aıynda túıelerdiń ólimi tirkeldi, dep habarlaıdy QazAqparat tilshisi.

Uqsas jańalyqtar
Dúnıejúzilik bank Qazaqstanǵa mal sharýashylyǵyn damytýǵa $500 mln berýge sheshim qabyldady

Málim bolǵanyndaı, búginge deıin 30-dan astam túıe ólgen. Bul jaǵdaıdy mamandar «tsefalapınoz» juqpaly emes parazıtarlyq aýrýyna shaldyǵý jaǵdaıymen túsindiredi. Ony el ishinde tanaýqurt dep ataıdy. Aýdannyń qyr betkeıindegi Sekseýil, Sazdy, Oktıabr, Qosaman, Jaqsyqylysh, Qaraqum, Jińishkequm eldi mekenderindegi túıeler atalǵan aýrý saldarynan qrylǵan.

«Bıylǵy jyldyń mamyr aıynda Aral aýdanynyń birneshe eldi mekeninde túıelerdiń ólýi tirkelgen. Osy baǵytta Aral aýdandyq veterınarlyq stantsııanyń mamandary aýrý oshaǵynda epızotııalyq zertteý sharalaryn júrgizdi. Nátıjesinde oǵan «tsefalapınoz» (tanaýqurt) juqpaly emes parazıtarlyq aýrýy sebep bolǵany anyqtaldy. Jaz mezgilinde bógelek, sona, masa, shybyndar ushý kezinde túıelerdiń muryn qýysyna lıchınkasyn tastaıdy. Kúz, qys aılarynda lıchınkalar muryn qýysynda damyp, eresek qurttarǵa aınalady. Qurttar tynys jolyn jaýyp, tunshyqtyrady. Sonyń saldarynan túıeler azyq shaınaı almaı, aýzyn ashyp dem alady. Kúıisinen jańylady, basyn shulǵı beredi. Osylaı mal kómeıin parazıtter bitegennen keıin tunshyǵyp (asfıksııa), turǵan túıe birden qulap óledi», - dep málim etti Qyzylorda oblystyq veterınarııa basqarmasynyń mamandary.

Olardyń aıtýynsha, bul - parazıttik aýrý bolǵandyqtan ol QR Aýyl sharýashylyǵy mınıstriniń «Profılaktıkasy, dıagnostıkasy jáne joıylýy bıýdjet qarajaty esebinen júzege asyrylatyn janýarlardyń asa qaýipti aýrýlar» tizbesine engizilmegen.

«Sondyqtan aldyn alý jáne emdeý sharalary mal ıesiniń óz qarajaty esebinen júrgiziledi. Qyzylorda qalasy men aýdandardyń barlyq veterınarııalyq dárihanalarynda aýrýǵa qarsy, emdik dári-dármekter (veterınarııalyq preparattar) jetkilikti mólsherde arzan baǵada satylyp jatyr. Aýyrǵan túıe maldaryna emdik sharalar júrgizilýde», - dedi vedomstvo ókilderi.

Sondaı-aq, Qyzylorda oblysynda jol boıynda kólikterdiń mal qaǵýy jıilegen.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT