USD 434.34 EUR 491.93
RUB 5.56 CNY 68.67
Jańalyqtar

Aralda «Balyqshylar» saıabaǵy ashylady

2021 jylǵy 6 qazan 23:06
Bólisińiz:
Aralda «Balyqshylar» saıabaǵy ashylady

QYZYLORDA. QazAqparat - Qyzylorda oblysy Aral aýdanynda «Balyqshylar» saıabaǵy ashylady, dep habarlaıdy QazAqparat tilshisi.

Oblys ákimi Gúlshara Ábdiqalyqova Aral aýdanyna jasaǵan jumys sapary barysynda birqatar áleýmettik-mádenı nysandardyń aralap, zııaly qaýym ókilderimen kezdesti. Aldymen óńir basshysy aýdan ortalyǵynda ornalasqan «Sýretter syr shertedi» tarıhı murajaıynda boldy. Memleket jáne qoǵam qaıratkeri Qudaıbergen Sarjanov oblys ákimine 500-ge jýyq sýret pen tarıhı jádiger jınaqtalǵan mýzeı jumysymen tanystyrdy.
Aımaq basshysy óńirdiń tarıhı-mádenı áleýetin kóterip, jas urpaqty tárbıeleýde murajaılar men kitaphanalardyń, ondaǵy jádigerler jáne kitap qoryn kóbeıtý isi úlken mańyzǵa ıe ekendigin atap ótti.
Murajaıda balyqshylardyń tarıhı fotosýretteri, elge, oblys pen aýdanǵa tanymal qoǵam qaıratkerleriniń foto jınaǵy, Aral teńiziniń tarıhy jáne Qudaıbergen Sarjanovtyń jeke eksponattary qoıylǵan.
Oblys ákimi aýdandaǵy qaıta jańǵyrtylǵan «Balyqshylar» murajaıynda memleket jáne qoǵam qaıratkerleri Qudaıbergen Sarjanov, Bıǵalı Qaıýpov, bilim salasynyń ardageri Nuraly Ospanov, aýdandyq ardagerler keńesiniń tóraǵasy Ádilbek Áıimbetovpen birge mýzeıdi aralap, ishindegi eskpozıtsııalyq jumystardy kórdi.
«Balyqshylar» murajaıynda 2000-nan asa qundy jádigerler jınaqtalǵan. 2012 jyly paıdalanýǵa berilgen nysanda 11 maman qyzmet atqarady. Mýzeıde oblystyq bıýdjetten bólingen 86 mıllıon teńge qarjyǵa reekspozıtsııalyq jumystar júrgizilgen.
Aımaq basshysy ǵımarat aýlasynda jańadan salynatyn «Balyqshylar» saıabaǵynyń eskızdik jobasyn kórip, aspan astyndaǵy murajaımen tanysty.
Munan keıin oblys ákimi «Aral» ındýstrıaldy-tehnıkalyq kolledjine bardy. Kásiptik bilim beretin mekemeniń tigin tsehynda arnaıy kıim úlgisin tigip jatqan jastarmen kezdesti. Kolledjde «Jas maman» jobasy aıasynda tiginshi jáne elektr dánekerleýshi mamandyǵy ashylǵan. Bul rette tigin isin jandandyrý úshin ıtalııalyq jáne japondyq kompanııalardyń qurylǵylary satyp alynǵan.
Kolledjde balyqty qaıta óndeý mamandaryn daıyndaýǵa mán berildi. Kolledj bazasynda Qudaıbergen Sarjanov oblys ákimine kásiptik oqý salasynda balyq sharýashylyǵyn jandandyrý maqsatynda balyqshy, balyq ósirý, qaıyq júrgizýshi, qaıyq jóndeýshi mamandyqtaryn oqytý týraly usynysyn aıtty.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT