+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Aral aýdanynda qýańshylyqqa baılanysty tótenshe jaǵdaı jarııalandy

2021 jylǵy 14 shilde 00:38
Bólisińiz:
Aral aýdanynda qýańshylyqqa baılanysty tótenshe jaǵdaı jarııalandy

QYZYLORDA. QazAqparat - Qyzylorda oblysy Aral aýdanynda bıylǵy qýańshylyq jaǵdaıyn baılanysty tótenshe jaǵdaı jarııalandy, dep habarlaıdy QazAqparat tilshisi.

Uqsas jańalyqtar
Elordada erteń qar jaýady - Qazgıdromet 26 qyrkúıek kúngi aýa raıy boljamy Mańǵystaýdaǵy qýańshylyq: Mal azyǵy qoryn jasaýǵa qosymsha qarajat bólinedi

Oblys ákimi Gúlshara Ábdiqalyqovanyń tóraǵalyǵymen ótken tótenshe jaǵdaılardyń aldyn alý jáne olardy joıý jónindegi oblystyq komıssııanyń kezekten tys otyrysynda atalǵan másele jan-jaqty tarazylandy.

«Bıyl Aral aýdanynda qurǵaqshylyq jaǵdaıy kórinis berdi. Saldarynan 559 mal basynyń shyǵynǵa ushyrady. Qyzylorda jáne Mańǵystaý oblysyndaǵy qýańshylyq jaǵdaıǵa baılanysty Prezıdent Qasym-Jomart Toqaev qajetti sharalardy qabyldaý jóninde Úkimetke tapsyrma bergeni belgili. Alǵashqy kezekte mal basyn aman alyp qalý úshin sý uńǵymasyn qazý, jaıylymdyq jáne shabyndyq jerlerdi sýlandyrý maqsatynda kanaldar tazalanyp, sý tospalary salynýy kerek. Bul jobalar tolyq júzege asýy úshin Syrdarııa ózeniniń Burmaulaq arnasyn bógep, Aspaı sýaǵytqysyn iske qosý arqyly, Aqshataý-Qambash kólder júıesin sýlandyrý jumystary júrgizýge bolady. Joǵaryda atalǵan jumystardyń iri kólemdegi qarjyny qajet etýine baılanysty respýblıka bıýdjetinen qarjy bólý jóninde Úkimetke hat joldandy», - dedi oblys ákimi.

Eske salaıyq, búginde qýańshylyq jaǵdaıdaǵy aýyldyq okrýgter «qyzyl», «sary» jáne «jasyl» bolyp 3 aımaqqa bólinip, tizbesi ázirlengen. Onyń ishinde qyzylǵa 13, saryǵa 6, jasylǵa 4 aýyldyq okrýg engizilgen.

Aýdan boıynsha 205 822 bas malǵa qajetti azyq kólemi 184 640 tonnany qurasa, búgingi kúnge aýdanǵa alǵashqy bóligi jetkizilýde. Budan bólek aýdan boıynsha erikti jastardan 14 jasaq qurylyp, olar shóp orý naýqanyna óz úlesin qosýda. Atalǵan jasaqtar qazirgi tańda Qazaly aýdanynyń Qarasheńgel, Kólaryq okrýgi, Qarmaqshy aýdanynyń Jańajol aýyly jáne Syrdarııa aýdany N. Іlııasov jáne Shirkeıli aýyldarynyń shabyndyq jerlerinde mal azyǵyn daıyndaýda. Sondaı-aq, aýdan delegatsııasy kórshiles Aqtóbe oblysynyń Yrǵyz aýdanynda jergilikti sharýashylyqtarmen kezdesip, shópti qoljetimdi baǵada alýǵa kelisim jasaldy. Qazir onda araldyq 5 brıgada shóp orymyn bastap ketti.

Komıssııa otyrysynda Aral aýdanynyń ákimi Serik Sermaǵambetov qabyldanǵan sharalar týraly baıandap, máseleni sheshý úshin qajetti is-sharalardy usyndy. Aýdanda mal óliminiń aldyn alý, qaýipsizdik sharalaryn kúsheıtý maqsatynda sýattar men kól jıekterine aýyl turǵyndarynyń kómegimen kezekshilik jumystary uıymdastyrylyp, jaǵdaı baqylaýǵa alyndy. Sonymen qatar, ár eldi meken boıynsha arnaıy CALL-ortalyǵy iske qosyldy. Qazirgi tańda mal óliminiń tirkelýi toqtady.

Qalyptasqan jaǵdaıdy saralaǵan aımaq basshysy Aral aýdanynyń ákimine oblystyq aýyl sharýashylyǵy, tabıǵı resýrstar jáne tabıǵat paıdalanýdy retteý basqarmalarymen birlesip, tıisti mınıstrliktermen jumys jasaý qajettigin eske saldy. Sondaı-aq, oblystyq jumyldyrý daıyndyǵy basqarmasyna tabıǵı resýrstar jáne tabıǵat paıdalanýdy retteý basqarmasymen birlesip, oblystyq jergilikti atqarýshy organnyń tótenshe rezervinen qarjy bólý úshin tıisti qujattar tizbesin ázirlep, oblystyq qarjy basqarmasyna usynýdy tapsyrdy. Munan bólek, oblystyq qarjy basqarmasyna jergilikti atqarýshy organnyń tótenshe rezervinen qarjy bólýdi qarastyrý qajettigin qaperge saldy.

Oblys ákimi oblystyq jumyldyrý daıyndyǵy basqarmasyna shuǵyl túrde aýdanǵa qarasty eldi mekender maldaryn sýarý úshin birinshi kezekte qajetti 3 sý uńǵymasyn qazý jumystaryn uıymdastyrýdy mindettedi. Bul rette «Burmaqulaq» sý arnasyn ýaqytsha bógeý jáne Bektaý kanalyn tazartý jáne tospa salý, jaıylymdyq jáne shabyndyq jerlerdi sýlandyrý maqsatynda syr betkeıinde ornalasqan eldi mekenderdegi 7 kanaldyń arnasyn tazalaý jáne sý tospalaryn salý jumystarynyń joba-smetalyq qujattaryn ázirleý qajet. Eger respýblıkalyq bıýdjetten qoldaý tapqan jaǵdaıda kanaldyń arnasyn tazalaý jáne sý tospalarynyń qurylysyn salý, 12 uńǵymany iske qosýdy uıymdastyrý kerek.

Aımaq basshysy tabıǵı resýrstar jáne tabıǵat paıdalanýdy retteý basqarmasyna «Nuraly jarma» kanalynyń arnasyn tazalaý jáne sý tospasyn salý jumysyna ázirlengen joba-smetalyq qujattamany memlekettik saraptamadan ótkizýdi, oblystyq aýyl sharýashylyǵy basqarmasyna Aral aýdany ákimdigimen birlesip, aýyl sharýashylyǵy janýarlaryn jem-shóppen qamtamasyz etý maqsatynda tasymaldaýǵa qajetti janar-jaǵarmaı shyǵynyn óteý úshin oblystyń tótenshe rezervinen qarjy bólýdi usyný tapsyrdy. Sondaı-aq oblystyq kásipkerler palatasymen birlesip, jem-shóp baǵalaryn turaqtandyrý boıynsha jumystardy uıymdastyrýy tıis. Osy saladaǵy kásipkerlerdiń birinshi kezekte óńirdegi sharýashylyqtardy qamtamasyz etýin baqylaýǵa alýy qajet. Al, Aral aýdanynyń ákimine aýdan bıýdjetinen Aspaı sýaǵytqysyn iske qosý jáne 49 sý uńǵymasynyń tólqujatyn ázirleý jumystaryn uıymdastyrýdy, respýblıkalyq bıýdjetten qoldaý tapqan jaǵdaıda sý sorǵylary men arnaıy tehnıkalardy satyp alýdy mindettedi.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT