Jańalyqtar  >
Arab ınvestory avtojol jobalaryn ınvestıtsııalaýǵa múddeli ekendigin jetkizdi
2022 jylǵy 11 tamyz 18:23

Arab ınvestory avtojol jobalaryn ınvestıtsııalaýǵa múddeli ekendigin jetkizdi

NUR-SULTAN. QazAqparat – QR Premer-Mınıstri Álıhan Smaıylov Al Badie Group for Trading and Investment (ABG) kompanııasynyń bas dırektory Haled Mohamed Al Badımen kezdesip, avtomobıl joldaryn salý salasyndaǵy yntymaqtastyq máselelerin talqylady, dep habarlaıdy QazAqparat Úkimettiń baspasóz qyzmetine silteme jasap.

ABG kompanııasy elimizdegi iri avtojol jobalaryn, sonyń ishinde respýblıkalyq mańyzy bar joldardy jańǵyrtýdy qarjylandyryp, olardy júzege asyrýǵa nıet bildirdi.

Premer-Mınıstr búginde arab ınvestorlarynyń Qazaqstanǵa degen qyzyǵýshylyǵynyń artyp kele jatqanyn atap ótti. Úkimet basshysynyń aıtýynsha, buǵan taıaýda Memleket basshysynyń BAÁ-ge sapary yqpal etti.

«Sheteldik seriktesterdiń árbir usynysyn joǵary baǵalaımyz, sondaı-aq ınvestıtsııalardy qorǵaý jáne qolaıly iskerlik ahýaldy qamtamasyz etý boıynsha barlyq mindettemelerimizdi oryndaımyz», - dedi Álıhan Smaıylov.

Óz kezeginde Haled Mohammed Al Abadı ABG kompanııasynyń álemniń kóptegen elderinde iri ınfraqurylymdyq jobalardy tabysty iske asyrýda tájirıbesi bar ekenin aıtty.

«Eki el basshylarynyń belsendi ózara is-qımyly, sondaı-aq ekijaqty qarym-qatynastardyń qarqyndy damýy bizdiń Qazaqstanǵa kelýimizge sebep boldy. Biz avtojol jobalaryn iske asyrýdy ınvestıtsııalaýǵa múddelimiz, sondyqtan Qazaqstan Úkimetimen tyǵyz yntymaqtastyqta jumys istegimiz keledi», - dedi Haled Mohamed Al Badı.

Kezdesý qorytyndysy boıynsha Premer-Mınıstr kompanııanyń usynystaryn tıisti memlekettik organdardyń muqııat zerdelep, pysyqtaıtynyn aıtty.


Foto: primeminister.kz

Uqsas jańalyqtar
Seriktester jańalyqtary

Jańalyqtar

Úrdis

MURAǴAT