+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ár balanyń óz otbasynda ómir súrýi úshin sońyna deıin kúresemiz - Azamat Jamanchınov

2021 jylǵy 15 mamyr 13:03
Bólisińiz:
Ár balanyń óz otbasynda ómir súrýi úshin sońyna deıin kúresemiz - Azamat Jamanchınov

NUR-SULTAN. QazAqparat – Bala ata-ana tarapynan tálim-tárbıe ǵana emes, meıirim-mahabbat alyp, baqytty bolyp ósýi kerek. «Bala otbasynda ómir súrýi tıis» qoǵamdyq qozǵalysynyń jetekshisi Azamat Jamanchınov osyndaı pikirde. Ol QazAqparat tilshisine balalardyń balalyq shaǵy baqytty ótýi úshin qandaı jumystar atqarylyp jatqanyn aıtty.

«Bala otbasynda ómir súrýi tıis» qoǵamdyq qozǵalysy 2013 jyldan beri jumys istep keledi.

Sol kezden bastap atalǵan uıym bala asyrap alǵan otbasynda tárbıelenýi úshin, kedeılik pen áleýmettik jaǵdaıdyń tómen bolýy ata-ana men balanyń eki jaqqa ketýine sebepshi bolmaýy úshin kúresip keledi.

Bul uıymnyń ár múshesi otbasylyq qundylyqtardy nyǵaıtý úshin úles qosyp júr.

Qoǵamdyq qozǵalys óz mindetin adal oryndaý maqsatynda basynan bastap kóp jumys istedi: «Balalar úıinen shyqqan balalar men jasóspirimderge arnalǵan tálimgerler» jobasyn iske qosty, 2016 jyly patronattyq ata-analar mektebi, sodan keıin «Balalar úıine negizdelgen otbasy men balalardy qoldaý ortalyǵyn» iske qosty.

2019 jyly Onege jobasy aıasynda mundaı ortalyqtar Qazaqstannyń taǵy 9 aımaǵynda ashyldy, sol arqyly kóptegen balalar qamqor azamattar tarapynan qoldaý tapty.

«Biz bilim berýmen aınalysamyz: ata-analarǵa, jas jubaılarǵa, balalarmen jáne otbasylarmen jumys isteıtin mamandarǵa arnalǵan kitaptar men oqý-ádistemelik quraldardy daıyndaımyz jáne shyǵaramyz, balalarmen jáne otbasylarmen jumys isteıtin mamandardy daıyndaımyz, ata-analarǵa arnalǵan lichnost.kz onlaın mektebin ashtyq. Sondaı-aq, «Balalar týraly» zańdy ázirleıtin saraptamalyq topqa qatysýdamyz. Biz balalar úıinde jáne patronattyq otbasynda turatyn jetim balalardyń quqyǵyn qorǵaımyz. Biz sóz júzinde ǵana áreket etpeı, naqty sheshimder men mehanızmderdi usynamyz», - deıdi Azamat Jamanchınov.

Onege jobasy aıasynda bir jyldyń ishinde mamandar 240 is boıynsha qujat pen járdemaqy alýǵa kómektesken.

51 balany ınternatqa ótkizýden aman alyp qalǵan. 56 eresek adamǵa jumys tabýǵa jáne 212 otbasyna otbasylyq janjaldardy sheshýge kómektesken.

Taǵy 242 otbasyna otbasylyq daý-damaıdy sheshýge kómek kórsetilgen.

Búkil Qazaqstan boıynsha kitaptar men oqý quraldarynyń jalpy taralymy 300 myń danadan asty.

Ótken jyly uıym jetim jáne az qamtylǵan otbasylarmen jumys jasaıtyn 2 myńnan astam maman daıarlady.

«Qoǵamdyq qozǵalysty qurý ıdeıasy Sholpan Baıbolovaǵa tıesili. Qoǵamdyq qozǵalys bir adam ǵana emes, sarapshylar men mamandardyń, úkimettik emes uıymdardyń tutas toby ekenin túsiný qajet. 2013 jyly biz alǵash ret «Bala otbasynda ómir súrýi tıis» atty azamattyq forým ótkizdik. Bul jetimder máselesine arnalǵan alǵashqy aýqymdy is-shara boldy. Onda sarapshylar, ÚEU jáne memlekettik organ ókilderi sóz sóıledi. Sol kezdegi Parlament Májilisi Áleýmettik-mádenı damý komıtetiniń tóraǵasy Darıǵa Nazarbaeva otbasylyq-baǵdarly saıasat tujyrymdamasy týraly, ıaǵnı balalar úıinen bas tartý týraly, onyń ornyna bala asyrap alýshy otbasylar jumys isteýi kerek degen pikir aıtqan bolatyn. Qazirgi ýaqytta men atalǵan qoǵamdyq qozǵalystyń jetekshisimin. Birinshi mamandyq boıynsha ekonomıka magıstri, al ekinshi mamandyq boıynsha psıhologpyn. Biz memlekettik júıeniń qurylymdyq ózgeristerine nazar aýdardyq, sondyqtan bizdiń jumysymyz jetim balalar men ómirlik qıyn jaǵdaıǵa tap bolǵan otbasylarǵa qatysty otbasylyq saıasatty damytýǵa yqpal etti dep sanaımyz», - deıdi ol.

Uıym músheleri otbasyn qoldaý ortalyqtary jumysynyń úlgisin jasaı bastaǵan. Olar jınalǵan materıaldardy ÚEU sektoryna jáne jergilikti atqarýshy organdarǵa tapsyrǵan.

«Bizge kómek surap kelgenderge keńes berip, qajet bolǵan jaǵdaıda basqa áriptesterimizge jiberip, balalar quqyǵyna qatysty másele bolsa, onyń sheshilýine úles qosamyz», - deıdi Azamat Jamanchınov.

Balalar quqyǵyn qorǵaý máselesinde balaǵa zorlyq-zombylyq kórsetýge qatysty jeke tarmaqty atap ótýge bolady.

Qoǵamdyq qozǵalys jetekshisi mundaı jaǵdaıdyń aldyn alý týraly oıyn bólisti.

«Ata-ana men bala arasynda senimge negizdelgen qarym-qatynas bolýy kerek. Bala ákesi men anasyna ómirinde ne bolyp jatqanyn qoryqpaı aıta alýy kerek. Bul – óte mańyzdy másele, sebebi balaǵa jaqyndary tarapynan zorlyq, qysym kórsetý jyldar boıy jalǵasyp kele jatýy múmkin. Bala óziniń denesine, áýretti jerlerine eshkim qolyn tıgizýge quqysy joq ekenin túsinýi kerek. Al ondaı jaǵdaı bola qalǵan jaǵdaıda eń aldymen aıta alatyn adamy – ákesi men anasy bolýy tıis», - deıdi ol.

Azamat Jamanchınov balaǵa zorlyq-zombylyq, kúsh kórsetilgen jaǵdaıda bes eresek adamǵa aıta alýdy úıretý kerektigin aıtty.

ıAǵnı, ata-anasy men muǵalimine habardar ete almaǵan jaǵdaıda aınalasynda senim arta alatyn basqa adamdardyń kómegine júgine alýy kerek.

«Pedofılııaǵa qatysty kúdikti jaǵdaıdy baıqaǵan bolsańyz, birden ata-ana nemese polıtsııaǵa habarlaý kerek. Mundaı kezde «Ózge otbasynyń shekarasynan attap ketem-aý» degen oıdan arylý qajet. Eresekter tarapynan balaǵa kórsetiletin qorlyqtyń kez kelgen túrine jol berilmeýi kerek, al oryn ala qalǵan jaǵdaıda mindetti túrde jazaǵa tartý qajet. Osyndaı túsinik eń aldymen otbasynda qalyptasýy kerek. Ol úshin áke men ana balasymen ashyq túrde sóılese bilýi kerek», - deıdi qoǵamdyq qordyń jetekshisi.

Azamat Jamanchınov suhbat barysynda qoǵamdyq qozǵalys arqyly kómek alǵandardyń oqıǵalarynan mysaldar keltirdi.

«Ótken jyly jazda 25 jastaǵy jigit 15 jastaǵy jasóspirimdi qorlady. Qorlanǵan qyz ózine qol salmaq bolǵan. Otbasy men balany qoldaý ortalyǵyna kelgen olarǵa psıholog, zańger jáne advokat tarapynan kómek kórsetildi. Qazir jabylyp qalǵan qylmystyq is qaıta qozǵalyp, sot-medıtsınalyq saraptama qaıta bastaldy. Anasy men qyzy el qatarly ómir súrý úshin kúresti jalǵastyrýda. Taǵy bir mysal: 6 jáne 8 jasar uly bar áıel ómirlik qıyn jaǵdaıǵa tap bolǵan. Aqyry ishimdikke salynyp, ata-analyq quqyǵynan aıyrý týraly sot sheshimi shyqqansha eki uly «Kovcheg» balalar mekemesine ótkizilgen. Balalarynan aıyrylyp qalatynyn túsingen áıel esin jıyp, bizdiń ortalyqtyń kómegine júgindi. Psıholog kómegin alyp, ishimdik ishýin qoıyp, eki balasyn óz qolyna qaıtaryp aldy. Qazirgi ýaqytta ol turmysqa shyǵyp, el qatarly ómir súrip jatyr», - deıdi ol.

Úsh jyl ishinde Otbasy men balalardy qoldaý ortalyǵy 308 otbasy men 485 balaǵa quqyqtyq jáne psıhologııalyq kómek kórsetti.

1664 keńes berýdiń nátıjesinde balalar óz otbasynda qaldy.

«9 aımaqty jumys isteıtin bizdiń ortalyq bir jyl ishinde ómirdik qıyn jaǵdaıǵa tap bolǵan otbasylardaǵy 227 otbasyna 1543 keńes berý jáne qoldaý qyzmetin kórsetti. 9 aımaqta muqtaj otbasylarǵa 4-8 aıǵa deıin bilim, sport jáne damý klýbtarynyń aqysyn tóleýge kómek kórsetildi, 150-den astam otbasy alǵan ártúrli qyzmettiń aqysy tólendi. 9 oblysta 6 075 qatysýshyǵa kelesi baǵyttar boıynsha trenıngter ótkizildi: «Otbasylyq zorlyq-zombylyq qurbandarymen jumys», «Jas otbasylarmen jumys jáne otbasylyq ómirge daıyndyq», «Mektepterde jynystyq tárbıe jáne reprodýktıvti densaýlyq», «Ata-ana men bala qarym-qatynasy arasyndaǵy, balalar men jasóspirimder arasyndaǵy býllıngtiń jáne sýıtsıdtiń aldyn alý». Qol jetkizgen jetistikterimizben toqtap qalmaı, jastarǵa arnalǵan onlaın mektep pen mobıldi qosymshany iske qostyq. Onda 70 vıdeo-sabaq jarııaladyq, úılengisi keletinderge arnalǵan chat-botty testiden ótkizip, jastarǵa, otbasylarǵa jáne kásipkerlerge 26 vebınar ótkizdik. 320 myń dana Neke týraly nusqaýlyq basyp shyǵarylyp, Qazaqstannyń barlyq azamattyq hal aktilerin jazý organdaryna taratyldy», - deıdi qoǵamdyq qozǵalys jetekshisi.

Sonymen qatar, qoǵamdyq qozǵalys 27 art-terapııa sheberhanasyn, aımaqtardaǵy dıalogtyq kezdesýler men mını-forýmdar, 600 adamnyń qatysýymen respýblıkalyq otbasylyq forým, 5 onlaın otbasylyq saıys ótkizdi.

Oǵan 9 oblystan 1400-den astam otbasy qatysty. Sanaly túrde otbasyn qurý jáne otbasylyq qıyndyqtardyń saldary týraly 18 vıdeo jáne 8 shaǵyn mýltfılm túsirildi.

Otbasylyq qundylyqtardy nasıhattaý jáne turmystyq zorlyq-zombylyqtyń aldyn alý boıynsha 188 000 dana oqý quraly basyp shyǵarylyp, elimizdiń 9 aımaǵyna taratyldy.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT