+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Apta ishindegi kadrlyq taǵaıyndaýlar

2020 jylǵy 31 mamyr 13:52
Bólisińiz:
Apta ishindegi kadrlyq taǵaıyndaýlar

NUR-SULTAN. QazAqparat - Osy aptada Qazaqstanda birqatar kadrlyq aýys-túıis boldy. QazAqparat oqyrman nazaryna 25-31 mamyr aralyǵynda bolǵan taǵaıyndaýlardy usynady.

Uqsas jańalyqtar
Qyzylorda oblystyq eńbek salasyndaǵy baqylaý basqarmasyna jańa basshy keldi Jambyl oblysyndaǵy Sarysý aýdanyna jańa ákim taǵaıyndaldy Túrkistan oblysynda komıssııa sheshimimen jumystan bosatylǵan dáriger bólim meńgerýshiligine taǵaıyndaldy

QR Aqparat jáne qoǵamdyq damý mınıstrliginiń Etnosaralyq qatynastardy damytý komıtetiniń tóraǵasy bolyp Bolat Baýyrjanuly Majaǵulov taǵaıyndaldy.

Bolat Majaǵulov 1983 jyly Almatyda dúnıege kelgen. Qazaq ulttyq mýzyka akademııasyn támamdaǵan. Eńbek jolyn 1999 jyly Astana qalasy memlekettik fılarmonııasynyń sımfonııalyq orkestriniń birinshi sanatty ártisi bolyp bastaǵan. 2002 jyldan 2007 jyl aralyǵynda Memlekettik fılarmonııada, «Ulan» ulttyq gvardııasynda, Astana qalasy «Naz» memlekettik halyq teatry» MKQK eńbek etti. 2007-2008 jyldary Astana qalalyq mádenıet basqarmasynyń qurylymynda jumys istedi. 2009 jyldan 2010 jyl aralyǵynda Beıbitshilik jáne kelisim saraıynyń dırektory boldy. 2010 jyldan 2015 jyl aralyǵynda Astana qalalyq mádenıet basqarmasyn basqardy. 2015-2018 jyldary — Astana qalalyq ádenıet, muraǵat jáne qujattama basqarmasynyń basshysy. 2018-2019 jyldary Astana qalalyq mádenıet jáne sport basqarmasynyń basshysy bolyp jumys istedi. 2019 jyldyń 29 shildesinen bastap qazirge deıin Nur-Sultan qalasy QR Prezıdent Ákimshiliginiń Іshki saıasat bólimi meńgerýshisiniń orynbasary bolyp eńbek etti.

QR Sybaılas jemqorlyqqa qarsy is-qımyl agenttigi Parasattylyq departamentiniń dırektory bolyp Ǵanıjan Asanuly taǵaıyndaldy.

Qarjy polıtsııasy akademııasynyń, «Bolashaq» baǵdarlamasynyń (King’s College London, Ulybrıtanııa) túlegi Prezıdentik jastar kadr rezerviniń múshesi bolǵan. Ǵanıjan Asanuly jańa qyzmetke taǵaıyndalǵanǵa deıin atalǵan departament dırektorynyń orynbasary, Sybaılas jemqorlyqqa qarsy kúres qyzmetiniń Túrkistan oblystyq departamenti basshysynyń birinshi orynbasary laýazymdaryn atqarǵan.

Murat Ómirálıev BQO jer qatynastary basqarmasynyń basshysy bolyp taǵaıyndaldy.

Murat Amangeldiuly 1981 jyly dúnıege kelgen. Bilimi joǵary. A.Pýshkın atyndaǵy Batys Qazaqstan memlekettik ýnıversıtetin, M.Ótemisov atyndaǵy memlekettik ýnıversıtetin «joǵary kásibı bilimdi tarıh pániniń muǵalimi», «joǵary kásibı bilimdi zańger» mamandyqtary boıynsha bitirgen. Ár jyldary Shyńǵyrlaý aýdany ishki saıasat jáne áleýmettik sala bóliminiń bas mamany, Oral qalasy ákimi apparaty memlekettik-quqyqtyq jumystar bóliminiń bas mamany, osy bólimniń meńgerýshisi, qala ákimi apparat basshysynyń orynbasary, BQO ádilet departamenti basshysynyń orynbasary boldy. 2019 jyldyń aqpan aıynan bastap BQO jerdiń paıdalanylýy men qorǵalýyn baqylaý basqarmasynyń basshysy qyzmetin atqardy.

Qyzylorda oblystyq ishki saıasat basqarmasynyń basshysy bolyp taǵaıyndaldy. Bul qyzmetke Mıra Qazbekova keldi.

M.Qazbekova 1984 jyly dúnıege kelgen. Qorqyt Ata atyndaǵy Qyzylorda memlekettik ýnıversıtetin «Qazaq tili men ádebıeti pániniń muǵalimi», Qyzylorda qalasyndaǵy «Bolashaq» ýnıversıtetin «zańger» mamandyqtary boıynsha bitirgen. Eńbek jolyn 2005 jyly Memlekettik qyzmetshilerdi jáne bıýdjettik sala qyzmetkerlerin qaıta daıarlaý jáne olardyń biliktiligin arttyrý óńirlik ortalyǵy Qyzylorda oblystyq baspasóz klýbynyń mamany retinde bastaǵan. 2005-2008 jyldary Qyzylorda qalasy ákimi apparatynyń jetekshi mamany-baspasóz hatshysy, Qyzylorda oblystyq ishki saıasat departamentiniń bas mamany jaýapty qyzmetterin atqarǵan. 2008-2017 jyldary Qyzylorda qalasy ákiminiń bas ınspektory-baspasóz hatshysy, Qyzylorda qalasy ákimi apparatynyń bólim basshysy, Qyzylorda oblysynyń muraǵattar men qujattama basqarmasy basshysynyń orynbasary boldy. Al 2017-2019 jyldary Qyzylorda qalalyq mádenıet jáne tilderdi damytý bóliminiń basshysy, Qyzylorda qalasy ákimi apparatynyń basshysy basshylyq laýazymyn atqarǵan. 2019 jyldan osy kezge deıin Qyzylorda qalasy ákiminiń orynbasary laýazymynda qyzmet atqaryp keldi.

Soltústik Qazaqstan oblysy ákimdiginde memlekettik satyp alý basqarmasy qurylyp, ony Janar Musaqulova basqaratyn bolady.

Janar Musaqulova 52 jasta. Almaty halyq sharýashylyǵy ınstıtýtyn ekonomıst mamandyǵy boıynsha bitirgen. Shal aqyn aýdanynda qarjy jáne ekonomıka júıesinde eńbek etti. Keıin Shal aqyn, M.Jumabaev aýdandarynda ákimniń ekonomıka máseleleri jáne bıýdjet boıynsha orynbasary qyzmetin atqardy. Osy taǵaıyndaýǵa deıin SQO aýyl sharýashylyǵy basqarmasy bastyǵynyń birinshi orynbasary bolyp on jyl jumys istedi. Qarjy, býhgalterlik esep, taldaý, josparlaý jáne ákimshilik-quqyqtyq bólimderdiń jumysyn úılestirdi.

Mańǵystaý oblysy qarjy basqarmasynyń basshysy qyzmetine Qýanysh Berishbaev taǵaıyndaldy.

​​Qýanysh Berishbaev 2006 jyly Sh. Esenov atyndaǵy Aqtaý memlekettik ýnıversıtetin ınjener mamandyǵy boıynsha tamamdaǵan. ​ ​Eńbek jolyn «SMK-4» JShS qurylys jónindegi sheberi qyzmetinen bastap, «Kaspıı» ÁKK» UK» AQ jer qoınaýy departamentiniń menedjeri, tabıǵı resýrstardy damytý departamentiniń menedjeri, Qazaqstan Respýblıkasy Aýyl sharýashylyǵy mınıstrligi Aqtaý qalalyq aýmaqtyq ınspektsııasynyń jetekshi mamany bolǵan. Mańǵystaý oblysy ákimi apparatynyń uıymdyq-ınspektorlyq bóliminiń bas ınspektory, Mańǵystaý aýdany ákimi apparatynyń basshysy, Aqtaý qalasy ákimi apparatynyń basshysy, Mańǵystaý oblysy ákimi apparaty basshysynyń orynbasary, áleýmettik baǵdarlamalar basqarmasynyń basshysy qyzmetterin atqarǵan. Buǵan deıin ol Mańǵystaý oblysy ákiminiń jeke jáne zańdy tulǵalardyń ótinishteri jónindegi keńesshisi bolyp qyzmet etti.

Aqmola oblysy ákiminiń 2020 jylǵy 25 mamyrdaǵy ókimimen Ýálıhan Mutashuly Ǵabdýllın Aqmola oblysynyń týrızm basqarmasynyń basshysy bolyp taǵaıyndaldy.

Ýálıhan Mutashuly 1972 jyly týǵan. Soltústik Qazaqstan oblysynyń týmasy, bilimi-joǵary. «Femıda» Qaraǵandy zań akademııasyn, Kókshetaý ekonomıka jáne menedjment ınstıtýtyn bitirgen. 2000-2003 jyldary Aqmola oblysynyń ishki ister organdarynda qyzmet etti. 2003-2013 jyldary kommertsııalyq qurylymdarda jumys istedi, «Nur bank» AQ fılıalynyń orynbasary, keıin dırektory, «BTA Banki» AQ fılıalynyń dırektory qyzmetterin atqardy. 2013-2014 jyldary apparat basshysynyń Soltústik Qazaqstan oblysy ákiminiń is basqarýshysy orynbasary boldy. 2014-2016 jyldary Aqmola oblysy Kásipkerler palatasynyń dırektory. Osy taǵaıyndaýǵa deıin Býrabaı aýdany ákiminiń orynbasary qyzmetin atqardy.

Almaty oblysy əkiminiń ókimimen Nurlan Orynbasaruly Qumataev Qapshaǵaı qalasynyń əkimi bolyp taǵaıyndaldy.

Nurlan Qumataev 1970 jyly týǵan. Almaty memlekettik medıtsına ınstıtýtyn stomatolog dəriger, Qazaq memlekettik zań akademııasyn zańger, Shet tilder jəne iskerlik karerasy ýnıversıtetin ekonomıka bakalavry mamandyqtary boıynsha bitirgen. Eńbek jolyn Almaty qalasyndaǵy №4 stomatologııalyq emhanasynyń stomatolog dərigeri bolyp bastaǵan. Ər jyldarda Іle aýdany Jetigen aýyldyq okrýgi əkiminiń orynbasary, Іle aýdany əkimi apparaty Turǵyn úı-kommýnaldyq sharýashylyǵy bóliminiń bas mamany, Іle aýdany Baıserke aýyldyq okrýgi əkiminiń orynbasary, Іle aýdany əkimi apparaty Shaǵyn jəne orta bıznes, Jumyspen qamtý jəne əleýmettik baǵdarlamalar bólimderiniń bastyǵy boldy. 2016 jyldyń aqpanynan osy ýaqytqa deıin Іle aýdany əkiminiń orynbasary qyzmetin atqardy.

Almaty oblysy ákiminiń ókimimen Talǵat Qanatuly Qaınarbekov Sarqan aýdanynyń ákimi bolyp taǵaıyndaldy.

Talǵat Qaınarbekov 1969 jyly týǵan. Abaı atyndaǵy Almaty memlekettik ýnıversıtetin tarıh jáne qosymsha memlekettik quqyq pániniń oqytýshysy, І. Jansúgirov atyndaǵy Jetisý memlekettik ýnıversıtetin ekonomıst, Qazaqstan Respýblıkasy Prezıdentiniń janyndaǵy Memlekettik basqarý akademııasyn memlekettik jáne jergilikti basqarý magıstri mamandyqtary boıynsha bitirgen. Eńbek jolyn Sarqan aýdany Kókózek orta mektebinde muǵalim bolyp bastady. Ár jyldarda Sarqan aýdany Qarǵaly orta mektebinde tarıh jáne memlekettik quqyq pániniń muǵalimi, Almaty qalasynda «Eldorado» JShS menedjeri, Taldyqorǵan qalasy ákimi apparaty ónerkásip, kólik jáne baılanys bóliminiń bastyǵy, Kóksý aýdany ákiminiń orynbasary, Taldyqorǵan qalasy ákiminiń orynbasary, Tekeli qalasynyń ákimi boldy. 2016 jyldyń qarashasynan 2020 jyldyń mamyr aıynyń 25-i kúnine deıin Qapshaǵaı qalasynyń ákimi qyzmetin atqardy.

QR Aqparat jáne qoǵamdyq damý mınıstriniń buıryǵymen Talǵat Begimuly Qalıev «Qoldanbaly etnosaıası zertteýler ınstıtýty» JShS dırektory bolyp taǵaıyndaldy.

Talǵat Qalıev 1973 jyly SQO, Aqjar aýdany, Bostandyq aýylynda dúnıege kelgen. Sh.Ýálıhanov atyndaǵy Kókshetaý memlekettik ýnıversıtetin támamdaǵan. Eńbek jolyn 1997 jyly «Bostandyq» mekemesinde qaýipsizdik tehnıkasy boıynsha ınjener bolyp bastaǵan. «Novoe pokolenıe» JShS-nde gazettiń menshikti tilshisi, tilshiler bóliminiń bastyǵy, bas redaktordyń orynbasary bolyp jumys istedi. 2004-2006 jyldary «Qazaqstan» RTRK« AQ - «Astana» teleradıoortalyǵy aqparattyq-saraptamalyq baǵdarlamalar dırektsııasyn, «Kaztransoıl« AQ baspasóz qyzmetin basqardy. 2006-2007 jyldary «Novoe pokolenıe« JShS bas redaktorynyń orynbasary bolyp qyzmet atqardy. 2007-2008 jyldary QR SІM Halyqaralyq aqparat komıteti tóraǵasynyń orynbasary boldy. 2008 jyldan bastap Qazaqstan Respýblıkasynyń Ázerbaıjan Respýblıkasyndaǵy Elshiliginde keńesshi, 2008-2009 jyldary «Nur Otan« HDP tóraǵasynyń birinshi orynbasarynyń keńesshisi bolyp jumys istedi. 2009-2017 jyldary «Eýrazııalyq perspektıvalyq problemalardy zertteý ortalyǵy« JShS-in basqardy. 2017-2019 jyldary «Jastar« ǴZI» JShS-niń dırektory boldy. 2019-2020 jyldary Qazaqstan Respýblıkasy Prezıdentiniń janyndaǵy «Ortalyq kommýnıkatsııalar qyzmeti» respýblıkalyq memlekettik mekemesin basqardy. 27 mamyrdan bastap - «Qoldanbaly etnosaıası zertteýler ınstıtýty» JShS dırektory bolyp taǵaıyndaldy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT