Apple kompanııasy qyzmetkerlerine koronavırýsqa qarsy ekpe alýdy talap etýde
2022 jylǵy 16 qańtar 23:00

Apple kompanııasy qyzmetkerlerine koronavırýsqa qarsy ekpe alýdy talap etýde

NUR-SULTAN. QazAqparat - Beıjiń bıligi eki aıǵa el astanasyna kirmes buryn koronavırýsqa eki márte test tapsyrýdy engizdi, dep habarlaıdy COVID-19 taralýyna jol bermeý jónindegi VAK baspasóz qyzmeti.

Birinshi test Qytaıdyń basqa aımaqtarynan qalaǵa kelgenge deıin 48 saǵat buryn, al ekinshisi kirgennen keıin 72 saǵat ishinde tapsyrylýy kerek. Atalǵan shara «epıdemıologııalyq qaterlerdi aldyn ala joıýǵa» arnalǵan jáne 22 qańtardan bastap naýryz aıynyń sońyna deıin júrgiziletin bolady .

Avstrııa úkimeti 18 jastan bastap eldiń barlyq turǵyndaryn koronavırýsqa qarsy mindetti vaktsınatsııalaý týraly sheshim qabyldady. Aqpan aıynan bastap Avstrııa halqyna ekpe alý qajettigi týraly jazbasha túrde habarlanady. 15 naýryzda zańnyń saqtalýyn baqylaý bastalady.

Amerıkalyq Apple kompanııasy keńseler men saýda dúkenderinde jumys isteıtin qyzmetkerlerinen 15 aqpannan bastap koronavırýsqa qarsy ekpeden ótýdi talap etedi. Óıtpegen jaǵdaıda qyzmetkerlerdiń korporatsııa dúkenderine, seriktes dúkenderge nemese Apple keńsesine barǵan saıyn test tapsyryp otyrýyna týra keledi.


Jańalyqtar

MURAǴAT