+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Apatty úılerdi joıý jóninde salalyq baǵdarlama ázirleý kerek - Májilis depýtaty

2020 jylǵy 3 maýsym 14:56
Bólisińiz:
Apatty úılerdi joıý jóninde salalyq baǵdarlama ázirleý kerek - Májilis depýtaty

NUR-SULTAN. QazAqparat – Parlamenti Májilisiniń depýtaty Arman Qojahmetov apatty jáne eski turǵyn úılerdi joıý jóninde salalyq baǵdarlama ázirleý kerektigin málim etti, dep habarlaıdy QazAqparat tilshisi.

Uqsas jańalyqtar
Parlament depýtattary kanıkýlǵa ketti Parlament palatalarynyń birlesken otyrysy ótedi Máýlen Áshimbaev Senattyń ótken sessııadaǵy jumysyn qorytyndylady

«Halyqpen pen bıliktiń jergilikti atqarýshy organdarymen kezdesýleri kezinde elimizdiń shaǵyn jáne monoqalalarynda qalyptasqan turǵyn úı-kommýnaldyq sharýashylyq salasyndaǵy problemalyq máseleler jıi aıtylady. Eldi mekenderde apatty jáne tozyǵy jetip eskirgen turǵyn úıler sanynyń kóbeıýi jáne olarda turatyn turǵyndardyń qaýipsizdigi máseleleri halyqtyń jáne jergilikti atqarýshy organdardyń erekshe alańdaýshylyǵyn týǵyzýda. Aıtalyq, alynǵan aqparatty taldaý Qazaqstannyń iri qalalaryndaǵy, shaǵyn jáne monoqalalaryndaǵy belgili bir jetistikterge qaramastan, apatty jáne eskirgen turǵyn úılerdi joıý problemasy burynǵysynsha óte ótkir másele bolyp turǵanyn jáne Úkimettiń erekshe nazaryn talap etetinin aıǵaqtap otyr», - dedi Premer-Mınıstrdiń orynbasary Roman Sklıarǵa depýtattyq saýal joldaǵan Arman Qojahmetov.

Depýtat keltirgen resmı aqparat boıynsha 2019 jyly Qazaqstanda 1,3 myń kóppáterli úı apatty jaǵdaıda dep tanylǵan. Olardyń biraz bóligi elimizdiń shaǵyn jáne monoqalalarynda ornalasqan.

«Máselen Qaraǵandy oblysynda kóppáterli apatty úıler Qarajal, Jezqazǵan, Temirtaý, Prıozersk, Sátbaev qalalarynda ornalasqan. Mysaly Jezqazǵanda qazirgi ýaqytta 25 apatty úı bar. Olardyń 16-sy buzylýǵa jatady. Júzdegen turǵyndar avarııalyq turǵyn úıde turyp jatyr. ıAǵnı olar kún saıyn óz ómirin qaterge tigip otyr. Mundaı turǵyndardyń basym bóligi - zeınetkerler, az qamtylǵan azamattar nemese múgedekter. Oblystyń monoqalalaryndaǵy eski turǵyn úıdiń sany búkil turǵyn úı qorynyń úshten bir bóligine jetip otyr. Mundaı jaǵdaı shuǵyl sheshimdi talap etedi», - dedi depýtat.

Shaǵyn qalalarda ekonomıkalyq yntalandyrýdyń álsiz bolýy Óńirlerdi damytýdyń 2020 jylǵa deıingi memlekettik baǵdarlamasy men «Nurly jer» baǵdarlamasynda kózdelgen tetikterdi keńinen paıdalanýǵa múmkindik bermeıtinin atap ótý qajet.

«Máselen halyqtyń satyp alý qabiletiniń shekteýliligin eskere otyryp, Almaty, Atyraý, Pavlodar sııaqty qalalardy qaıta jańartýdyń tabysty tájirıbesin qoldaný múmkin emes. Bul rette apatty úılerdiń turǵyndary «metrden metrge» qaǵıdaty boıynsha jańa páterlerge kóshirilýde. Monoqalalar halqynyń satyp alý suranysynyń shekteýliligine baılanysty qurylys kompanııalary úshin bul nysandar ekonomıkalyq turǵydan qundy bolmaı otyr. Apatty jáne eskirgen úıge jumsalǵan qarajattyń qaıtarymdylyǵy negizinde olarǵa kúrdeli jóndeý júrgizý jobalary da monoqalalardyń áleýmettik jáne ekonomıkalyq qurylymynyń kúrdeli bolýyna oraı qıyndyqtarǵa tap bolýda. Turǵyndar aldaǵy ýaqytta júrgizilgen jóndeý jumystaryn tóleı almaıtyny aıqyn», - dedi ol.

Joǵaryda aıtylǵandarǵa baılanysty Arman Qojahmetov Úkimet azamattardyń qaýipsiz ómir súrýin qamtamasyz etý jáne eldegi eskirgen jáne apatty turǵyn úı qoryn joıýdyń mańyzdylyǵyn eskerýi kerektigin jetkizdi.

«Óńirlerdi damytýdyń 2020 jylǵa deıingi memlekettik baǵdarlamasy jáne «Nurly jer» turǵyn úı qurylysynyń memlekettik baǵdarlamasy boıynsha iske asyrylǵan shaǵyn jáne monoqalalardaǵy apatty jáne eski úılerdi joıý jónindegi sharalardyń tıimdiligine taldaý júrgizý kerek. Sondaı-aq shaǵyn jáne monoqalalardaǵy apatty jáne eski turǵyn úılerdi joıý jóninde salalyq baǵdarlama ázirleýdiń oryndylyǵy máselesin qaraýdy suraımyn», - dedi depýtat.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT