Ánýar Janǵozın «Bolashaq» halyqaralyq baǵdarlamalar ortalyǵynyń basqarma tóraǵasy bolyp taǵaıyndaldy
2022 jylǵy 24 qańtar 12:22

Ánýar Janǵozın «Bolashaq» halyqaralyq baǵdarlamalar ortalyǵynyń basqarma tóraǵasy bolyp taǵaıyndaldy

NUR-SULTAN. QazAqparat – Prezıdenttik jastar kadrlyq rezerviniń múshesi Ánýar Janǵozın halyqaralyq baǵdarlamalar ortalyǵy basqarmasynyń tóraǵasy bolyp taǵaıyndaldy. Bul týraly QR Bilim jáne ǵylym mınıstrliginen málim etti, dep habarlaıdy QazAqparat tilshisi.

Ol 1986 jyly dúnıege kelgen. M.Lomonosov atyndaǵy Máskeý memlekettik ýnıversıtetinde «Matematıka» mamandyǵy boıynsha jáne «Nazarbaev Ýnıversıtetiniń» magıstratýrasynda «Bilim berýdi basqarý» mamandyǵy boıynsha bilim alǵan. Prezıdenttik jastar kadrlyq rezerviniń múshesi.

2008-2011 jyldary «Nazarbaev Zııatkerlik mektepteri» ádistemelik protsess departamentiniń menedjeri, dırektordyń orynbasary bolyp jumys istedi. 2011 jyldan 2016 jylǵa deıin Nur-Sultan qalasyndaǵy «Nazarbaev Zııatkerlik mektebinde» matematıka pániniń muǵalimi, dırektor qyzmetin atqarǵan. 2017-2019 jyldary Nur-Sultan qalasy bilim basqarmasynyń basshysy boldy. Qazaq, orys jáne aǵylshyn tilderin meńgergen.


Jańalyqtar

MURAǴAT