Antıkordyń jalǵan qyzmetkeri Nurbol Kárimov qamaýda - agenttik
2022 jylǵy 1 maýsym 16:45

Antıkordyń jalǵan qyzmetkeri Nurbol Kárimov qamaýda - agenttik

NUR-SULTAN. QazAqparat – Áleýmettik jelilerde budan buryn Sybaılas jemqorlyqqa qarsy qyzmet ustaǵan Nurbol Kárimov Instagram-da tikeleı efırge shyǵyp, Almatyda jol erejesin óreskel buzǵan júrgizýshini toqtatty degen vıdeo tarady. Sybaılas jemqorlyqqa qarsy is-qımyl agenttigi bul aqparatty joqqa shyǵardy, dep habarlaıdy QazAqparat vedomstvonyń baspasóz qyzmetine silteme jasap.

«Nurbol Kárimov osy jyldyń 20 mamyrynan bastap sottyń sanktsııasymen 2 aı merzimge qamaýda otyr. Oǵan qatysty alaıaqtyq is-áreketter faktisi boıynsha qylmystyq is tergelip jatyr. Sonymen qatar, sotqa deıingi tergeý barysynda Almaty qalasynda laýazymdy tulǵalarǵa para berýge ıtermeleýdiń qosymsha faktisi anyqtaldy», - delingen Agenttik málimdemesinde.

Sondaı-aq, vedomstvo Karımovtyń basqa uqsas qylmystardy buryn jasaǵan bolýy múmkin ekenin de habarlady.

Eske sala ketsek, 19 mamyrda Sybaılas jemqorlyqqa qarsy qyzmet ózin Antıkor qyzmetkeri retinde tanystyra otyryp, Aqtaý qalasy ákimdiginiń laýazymdy tulǵalarynan kommertsııalyq obektilerdi ornalastyrý úshin onyń atyna jer ýchaskesin resimdeýdi talap etken 1997 jylǵy Nurbol Karımovty áshkereledi. Karımovtyń zańsyz áreketteri der kezinde toqtatyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT