+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Antıkor basshysy agenttik qurylymynyń ózgerýine  qatysty túsinikteme berdi

2021 jylǵy 4 maýsym 13:14
Bólisińiz:
Antıkor basshysy agenttik qurylymynyń ózgerýine  qatysty túsinikteme berdi

NUR-SULTAN. QazAqparat - Sybaılas jemqorlyqqa qarsy qyzmettiń basshysy Marat Ahmetjanov Sybaılas jemqorlyqqa qarsy is-qımyl máseleleri jónindegi V respýblıkalyq kásipkerler forýmynda vedomstvo qurylymynyń ózgerýine qatysty túsinikteme berdi, dep habarlaıdy QazAqparat.

Uqsas jańalyqtar
Jemqorlyqpen kúres agenttiginiń Qoǵamdyq keńesi quramyna kimder kirdi AShM qarasty «Fıtosanıtarııa» uıymynyń basshylyǵy para alý kúdigine ilindi ShQO-da para alǵan kóliktik baqylaý ınspektsııasynyń 11 qyzmetkeri ustaldy

Sybaılas jemqorlyqqa qarsy is-qımyl agenttiginiń tóraǵasy zań boıynsha agenttikke preventsııa, anyqtaý jáne tergeýdiń úsh negizgi fýnktsııasy júktelgenin atap ótti.

«Biz osy úsh bloktyń ózara sapaly is – qımylyn qamtamasyz etýimiz kerek, biraq eń bastysy – preventsııa», - dep atap ótti M.Ahmetjanov.

Onyń aıtýynsha, agenttik jumysynyń jalpy qorytyndysy parasattylyq mádenıetin qalyptastyrý bolýy tıis.

Sondaı-aq, M.Ahmetjanov agenttik úılestirý boıynsha óz qyzmetin belsendi paıdalanatynyn atap ótti. Onyń pikirinshe, dál osy fýnktsııa Sybaılas jemqorlyqqa qarsy qyzmetti tek quqyq qorǵaý ǵana emes, sybaılas jemqorlyqqa qarsy is-qımyl salasyndaǵy ýákiletti organ etedi.

Onyń aıtýynsha, sybaılas jemqorlyqty joıý boıynsha tıisti sharalar qabyldamaǵandardan suranysty qatańdatý josparlanýda. Ótken jyldyń qorytyndylary sybaılas jemqorlyq táýekelderiniń 90% Antıkordyń syrtqy taldaýymen anyqtalatynyn kórsetti.

«Osyndaı tetikterdiń biri qazirgi ýaqytta Bas prokýratýramen birlesip ázirlenip jatqan sybaılas jemqorlyqty baǵalaý júıesi bolady. Bul sybaılas jemqorlyqqa qarsy is – qımyl boıynsha ákimder men mınıstrler qyzmetiniń tıimdiligin baǵalaıtyn parametr bolady», - dep atap ótti spıker.

QR Sybaılas jemqorlyqqa qarsy is-qımyl agenttigi memlekettik josparlaý jáne Memlekettik satyp alý portaldaryn biriktirýdi, sondaı-aq bıýdjettik ótinimderdi jarııa ornalastyrýdy usyndy.

Antıkor basshysy jekelegen keń taralǵan jáne birtekti taýarlar úshin biryńǵaı erekshelikter men baǵalardy belgileý qajettigin atap ótti.

«Іri nysandardy salý kezinde damyǵan elderdegideı jobalyq josparlaýǵa kóshý kerek. Sondaı-aq bıýdjet qarajatyn bólýden bastap ıgerýge deıin súıemeldeýdi engizgen jón. Memlekettik qarjymen jumys istegiń kelse – ashyqtyqqa daıyn bol», – dep atap ótti M.Ahmetjanov.

Sybaılas jemqorlyqqa qarsy qyzmettiń basshysy «Atameken» UKP-men birlesip josparlanyp otyrǵan Agroónerkásiptik keshendegi sýbsıdııalar men dotatsııalar berý salasyndaǵy táýekel aımaqtaryna taldaý júrgizý týraly aıtyp berdi.

Onyń aıtýynsha, bul jaqynda qabyldanǵan aýyl ákimderin saılaý týraly Zańǵa baılanysty.

«5 jyl ishinde sýbsıdııalaýǵa 1 trln. teńgeden astam qarajat bólindi. Aýyl sharýashylyǵy boıynsha qozǵalǵan qylmystyq isterdiń jartysynan kóbi (54%) – sýbsıdııa urlaý», - dep atap ótti Antıkor basshysy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT