+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Antalııadaǵy orman órtinen úsh adam qaza tapty

2021 jylǵy 29 shilde 21:52
Bólisińiz:
Antalııadaǵy orman órtinen úsh adam qaza tapty

NUR-SULTAN. QazAqparat – Túrkııanyń Antalııa provıntsııasyndaǵy orman órtinen 3 adamnyń kóz jumǵany belgili boldy. Jalpy tilsiz jaýdan zardap shekken 122 adamnyń 58-i aýrýhanaǵa jetkizilgen. Bul týraly QazAqparat Anadoly agenttigine silteme jasap habarlaıdy.

Uqsas jańalyqtar
Aqsýda qarttar úıinen órt shyǵyp, bir adam zardap shekti Aqsýda qarttar úıi órtendi Shyǵys Qazaqstanda bıyl 70-ten astam monsha órtendi

AFAD (Túrkııa Respýblıkasy Úkimetiniń janyndaǵy tótenshe jaǵdaılardyń aldyn alý jáne saldaryn joıý basqarmasy) málimeti boıynsha, órt 28 shildede túski kezinde Antalııa provıntsııanyń tórt aımaǵynda órt shyqqan. Órttiń jyldam taralýyna aptap ystyq pen jeldi aýa-raıy yqpal etken. Órtti aýyzdyqtaýǵa órti sóndirý avıatsııasy men qurlyqtaǵy tótenshe jaǵdaımen kúres qyzmetteri jumyldyrylǵan.

Órt saldaryn joıýǵa 1 ushaq, 19 tikushaq, 1 pılotsyz ushý apparaty, 192 órt sóndirý mashınasy, 30 qurylys tehnıkasy, 19 jedel járdem mashınasy, 5 dala ashanasy jáne jeke quramnyń 1000-nan astam adamy tartylǵan.

«Jalynnyń jolynda qalǵan 18 eldi mekenniń turǵyndary qaýipsiz jerge kóshirildi. Manavgat aýdanyndaǵy jaǵdaı baqylaýǵa alyndy, biraq Aqsekide órt basylǵan joq», - dedi Túrkııanyń Aýyl sharýashylyǵy jáne orman sharýashylyǵy mınıstri Bekir Pakdemirli.

«Anadoly» agenttiginiń jazýynsha, órt sóndirýshilerdi ýaqytsha turaqpen qamtamasyz etý úshin 1 300 adam syıatyn 6 jataqhana daıyndalǵan.

Jergilikti polıtsııa men qutqarý qyzmetteri óńirde órt qaýpi áli seıilmegenin eskertip jatyr.

Qaýipti aýmaqtarǵa kiretin avtokólik joldary jabylyp, qozǵalys shektelgen. Apat aımaǵyn aınalyp ótetin balama joldar ázirlenip jatyr.

Manavgat aýdanynyń gýbernatory Mustafa Igit Oımapynar bógetine túsip ketken 10 azamat qutqarylyp, qaýipsiz jerge jetkizilgenin aıtqan.

Al búgin Túrkııanyń Marmarıs jáne Mılas atty týrıstik qalalarynda ormandy-dala alqaptar órtendi. Ony joıý jáne tabıǵı apattan zardap shekkenderdi izdestirý-qutqarý jumystary bastalyp ketti.

Qazir tótenshe jaǵdaı bolǵan aýdanda barlyq saıahattar toqtatyldy. Qazaqstandyq týrıster arasynan kómek suraǵandar joq.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT