+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Antalııada issaparmen júrgen qazaqstandyq medıtsına mamandary órtten zardap shekkenderge kómek kórsetti

2021 jylǵy 30 shilde 13:22
Bólisińiz:
Antalııada issaparmen júrgen qazaqstandyq medıtsına mamandary órtten zardap shekkenderge kómek kórsetti

NUR-SULTAN. QazAqparat – Halyqaralyq jazǵy mektep aıasynda Túrkııanyń Antalııa provıntsııasynda júrgen Astana medıtsınalyq ýnıversıtetiniń stýdentteri men oqytýshylary órtten zardap shekkenderge kómek kórsetken, dep habarlaıdy QazAqparat tilshisi.

Uqsas jańalyqtar
Qyzylordada maqta tıelgen júk kóligi órtenip ketti Almaty oblysynyń taýly aımaqtarynan taǵy da órt shyqty Almaty oblysynyń Aqsaı shatqalynda qurǵaq shóp órtenip jatyr

Bul týraly Astana medıtsınalyq ýnıversıtetiniń bastaýysh kásipodaq uıymynyń tóraǵasy Erjan Quspaev Facebook paraqshasynda jazdy.

«Túrkııanyń kýrorttyq qalalarynda, ásirese Antalııanyń mańynda orman órti órship tur, adam shyǵyny bar. Bul kúnderi biz Antalııada boldyq. Antalııaǵa Halyqaralyq jazǵy mektep aıasynda barǵan Astana medıtsınalyq ýnıversıtetiniń barsha stýdentteri men oqytýshylary gýmanıtarlyq kómek ortalyǵynyń jumysyna atsalysty. Olar qoldan kelgenshe kómek kórsetip, órtten zardap shekken turǵyndarǵa eldiń túkpir-túkipirinen aǵylyp jatqan azyq-túlik pen sýsyndardy kólikterden túsiristi. Gýmanıtarlyq kómek tıegen KamAZ-dar bir saǵattyń ishinde bosap, qaıta jolǵa shyǵyp jatty. Biz qaıyrymdylyq iske qatysyp, zardap shekkenderge qandaı da bir kómek kórsete alǵanymyzǵa qýanyshtymyz», - dep jazdy ýnıversıtet ókili.

Túrkııadaǵy tótenshe oqıǵaǵa qazaqstandyqtardyń qanshalyqty alańdap otyrǵanyn osy postyń astyna jazylyp jatqan pikirlerden kórýge bolady. Jeli qoldanýshylarynyń biri qazir sondaǵy ahýal qandaı ekenin surasa, taǵy bir top qoldanýshylar syn saǵatta kómekke umtylǵan elgezek otandastaryna qoldaý bildirip, alǵys aıtýda.

Eske salsaq, Túrik Respýblıkasyndaǵy Tótenshe jáne Ókiletti Elshisi Abzal Saparbekuly Facebook-tegi paraqshasynda Antalııa provıntsııasyndaǵy alapat órtten zardap shekkender arasynda Qazaqstan azamattary joq ekenin jazǵan bolatyn.

Resmı málimet boıynsha 28 shildede tutanǵan orman órtinen 3 adam kóz jumǵan. Jalpy tilsiz jaýdan zardap shekken 122 adamnyń 58-i aýrýhanaǵa jetkizilgen.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT