Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

Ánshimen shatastyryp, án suraıtyndar kóp – memqyzmetshi Baýyrjan Isaev

2022 jylǵy 23 maýsym 11:57

TÚRKІSTAN. QazAqparat – Túrkistan qalasynyń janyndaǵy Jańa Iqan aýyldyq okrýginde Baýyrjan Isaev esimdi azamat turady. Jergilikti ákimdikte qyzmetin atqaratyn ol, ánshi Baýyrjan Isaevpen attas. Ári tegi de birdeı. Sondyqtan kópshilik ony «Ómir túgil, ózimdi de bilmeımin» dep ándetetin ánshimen jıi shatastyrady.

Baýyrjan Ibadýllauly buǵan deıin Almatyda kásippen aınalysqan. Sol kezderi arnaıy qońyraý soǵyp, «toıymyzda án salyp berseńiz» dep qolqa salatyndar kóp kezdesken.

«Baýyrjan Isaevtyń ánderi hıt bolyp jatqan kez edi. Uıaly telefon degen múldem joq. Barshamyz úı telefonyn paıdalandyq. Birde salyq basqarmasynan úıdegilerge habarlasyp, tez kelýimdi ótinipti. Ózim 10 kún buryn ǵana búkil salyǵymdy tólep qoıǵandyqtan, bir shıkilik oryn alǵan shyǵar dep ýaıymdadym. Kásipker bolǵan soń, «durys tólem jasamadym ba?» degen kúdik te keldi. Búkil qujatymdy jınap, aıtylǵan kabınetke bardym. Kezek kóp eken. Eki saǵattaı kútip ishke kirdim. Sodan, shaqyrtý boıynsha kelip turǵanymdy aıtsam, olar «jaqynda toılanatyn kásibı merekede án salyp berseńiz» dep usynys aıtyp tur. Sol kezde baryp, ánshi Baýyrjan Isaevpen shatastyrǵanyn túsindim. Jaǵdaıdy aıtyp, jumysyma kettim», - dep kúle eske aldy Baýyrjan Isaev.

Taǵy birde úı telefonyna habarlasqan is-shara uıymdastyrýshysy Baýyrjan Isaevty suraıdy. «Tez arada bizge habarlassyn, ony syılyqqa usynyp jatyr edik», degende baryp jaǵdaıdy túsingen anasy, balasynyń ánshimen attas ekenin aıtqan.

Baýyrjannyń búgingi maqsaty – Týǵan jerdi túletý. Qazir Almatydan aýylyna kelip halyqqa qyzmet etip júr. Bul baǵyttaǵy jumystarǵa belsene kirisken memlekettik qyzmetshi qazirdiń ózinde jerlesteriniń rızashylyǵyna bólenip, alǵysyn alýda.


Avtor:

Qaırat Zaınıshev

Novostı po teme
Uqsas jańalyqtar