+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Ánshilerdiń avtorlyq quqyǵyn uıymdar qorǵaýy kerek - Jeńis Seıdollauly

2020 jylǵy 25 qarasha 19:38
Bólisińiz:
Ánshilerdiń avtorlyq quqyǵyn  uıymdar  qorǵaýy kerek - Jeńis Seıdollauly

ALMATY. QazAqparat - QR eńbek sińirgen qaıratkeri, kompozıtor, «Qazaqkontsert» memlekettik kontsert uıymynyń dırektory Jeńis Seıdollauly «QazAqparat» tilshisine elimizde oryndaýshylardyń avtorlyq quqyǵy qalaı qorǵalatynyn jáne múliktik quqyqtardy ujymdyq negizde basqaratyn uıymdardyń róli týraly aıtyp berdi.

Jeńis Seıdollaulynyń aıtýynsha, ánshilerdiń avtorlyq quqyǵyn kelisimshart aıasynda ujymdyq negizde basqaratyn uıymdar qorǵaýy kerek.

«Biz, artıster, eń aldymen, shyǵarmashylyqpen aınalysýymyz kerek, al avtorlyq quqyqtarmen arnaıy uıymdar aınalysýy qajet. Biz shyǵarmashylyq adamdar óz quqyǵymyzdy qorǵaý jaǵynan álsizbiz. ıAǵnı ár qoldanýshymen kelisim jasaýǵa múmkindigimiz joq. Osyǵan baılanysty biz óz ókilderimiz bolyp tabylatyn ujymdyq uıymdarǵa quqyqtardy beremiz. Avtorlar, avtorlyq quqyq ıeleri men paıdalanýshylar osyndaı uıymnyń qyzmeti týraly tolyq aqparatqa ıe bolýy kerek», - dedi ánshi.

Sonymen qatar, ol «Avtorlyq quqyq jáne sabaqtas quqyqtar týraly» Qazaqstan Respýblıkasynyń Zańynda kórsetilgen jınalǵan syıaqy somasynan ákimshilik shyǵystarǵa jiberiletin syıaqynyń shekti mólsheriniń 30% kózdelgenin atap ótti. Jáne ony artıster qoldaıtynyn jetkizdi.

Ánshiniń pikirinshe, ujymdyq uıymdardyń tıimdi jumysy avtorlar men oryndaýshylarǵa jaqsy aqy alýǵa múmkindik beredi. Bul bizdiń avtorlarǵa jańa týyndylardy shyǵarýǵa jáne qazaqstandyq mádenıetti damytýǵa yntalandyrady.

«Jańa obektilerdi qurý kezinde avtorlar men avtorlyq quqyq ıeleri kóbinese óz quqyqtarynyń paıdalanylýyn qadaǵalap úlgermeıdi. Bul máselelermen ujymdyq uıymdar aınalysady. Men «Qazaqkontsert» memlekettik kontsert uıymynyń dırektory retinde ár ánshiniń quqyǵyn qorǵaımyn. Ujymdyq uıymnyń róli tıimdi bolýy kerek. Bizdiń ujymda 450 adam bar, onyń 350-i ártis, olardyń quqyqtaryn ujymdyq uıymdar qorǵaıdy», - dep qosty ol.

Spıkerdiń aıtýynsha,Ujymdyq uıymnyń ashyq jumysy - bul qazirgi shyndyq jáne kúnniń talaptary. Avtorlar, quqyq ıelenýshiler jáne paıdalanýshylar osyndaı uıymnyń qyzmeti týraly tolyq aqparatqa ıe bolýy tıis.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT