FÝTBOLDAN ÁLEM ChEMPIONATY-2022

Ánshi Tóreǵalı Tórálige qatysty qylmystyq is toqtatylady

2022 jylǵy 5 qazan, 18:43
Ánshi Tóreǵalı Tórálige qatysty qylmystyq is toqtatylady

QONAEV. QazAqparat – Ánshi Tóreǵalı Tórálige qatysty qylmystyq is taraptardyń tatýlasýyna baılanysty toqtatyldy, dep habarlaıdy QazAqparat polisia.kz telegram kanalyna silteme jasap.

«Buǵan deıin azamat T. Tóreǵalıge qatysty QR QK-niń 293-baby 1-bóligi negizinde SDTBT-da tirkelgen qylmystyq is boıynsha taraptardyń tatýlasqanyn habarlaımyz. Nátıjesinde qylmystyq is boıynsha tergeý taraptardyń tatýlasýyna baılanysty toqtatylady.

QR Qylmystyq jáne qylmystyq is júrgizý zańnamasynyń normalaryna sáıkes: ólim-jitimmen baılanysty emes, aýyrlyǵy az nemese ortasha qylmys jasaǵan adam, eger ol jábirlenýshimen tatýlassa jáne keltirilgen zııandy túzetse, qylmystyq jaýaptylyqtan bosatylýǵa jatady», - delingen habarlamada.

Buǵan deıin ánshi Tóreǵalı Tóráliniń qabaǵyn jarǵan jigitpen tatýlasqandyǵy habarlanǵan bolatyn.

Eske salsaq, áleýmettik jelide Tóreǵalı Tóráliniń Kólsaı kólderinde bir jigittiń qabaǵyn jarǵany jarııalanǵan edi. Osy jaıttan keıin kúdikti dep tanylǵan ánshi ýaqytsha ustaý ızolıatoryna qamaýǵa alyndy. Oǵan qatysty Qylmystyq kodekstiń 293-baby (buzaqylyq) boıynsha tergeý júrdi.


Tegı:
Uqsas jańalyqtar
Seriktester jańalyqtary

Jańalyqtar