FÝTBOLDAN ÁLEM ChEMPIONATY-2022
  Jańalyqtar  >

Ánshi Tóreǵalı Tóráli qabaǵyn jarǵan jigitpen tatýlasty

2022 jylǵy 5 qazan, 17:30
Ánshi Tóreǵalı Tóráli qabaǵyn jarǵan jigitpen tatýlasty

QONAEV. QazAqparat - Tóreǵalı Tóráli Almaty oblysynyń Kólsaı kólderinde bolǵan janjal kezinde qabaǵyn jarǵan jigitpen tatýlasty, - dep habarlaıdy QazAqparat tilshisi.

«Adamzattyń tarıhy tyıym etken jemisti jeımin dep qatelesip, artynsha birden táýbesine kelgen Adam atanyń tarıhynan bastalmaı ma? Biz de sol ashýlansa da, shattansa da, sońy nemen biterin boljaı almaıtyn, paıda, zııandy ólsheı almaı qalatyn pendeniń birimiz. Sahnadan kórgen adamyn perishtedeı pák sanaıtyn qazaq halqynyń taza peıili ǵoı. Al, sol sahnadaǵy adamnyń pendelik kem-ketigin kórse, qalǵan kóńili qatqan muzdaı bolatyny da baladaı ańǵaldyǵy emes pe? Halyqtyń kóz aldynda júrgen adam bolǵandyqtan ár áreketimiz kópshiliktiń nazarynda bolyp tur ǵoı. Áıtpese, qaı er azamat shekispeı jatyr? Kimniń aýzynan emotsııaǵa berilgen artyq sóz shyqpaı jatyr? Qaı qýysta kim tóbelespeı jatyr? Orystar kelip qaldy dep páterdi qymbattatyp, qarakóz qazaqtardy qýyp, paıda tappaqshy bolǵan aram pıǵyldar sekildi osy tóbelesti de iske jaratyp, reıtıngimizdi kóterip alaıyq degen nıettilerdiń de az bolmaı turǵandyǵy da ókinishti. «Adamnyń kúnásin aıta bermeńder. Kúnásin kórgenmen táýbesin kórgen joqsyńdar» demekshi, siz ben biz sóz etip júrgen bireýdiń aıyby Allanyń aldynda áldeqashan keshirilip ketýi múmkin. «Er shekispeı, bekispeıdi» dep Bekarys baýyrymyzben mámilege keldik. Qarapaıym adamǵa da, óner adamyna da ortaq respýblıkamyzdyń zańymen quzyrly organdardyń tekserisinen ótip, resmı bitimge keldik. Súringende súıeý bolǵan, túńilgende tireý bolǵan alash jurtyna kóp rahmet! Qyzyq bolǵanda, búgin Bekarys baýyrymyzdyń dúnıege kelgen kúni eken. Ǵumyryń uzaq, ómiriń berekeli bolsyn inim! Bir basyń ekeý bolyp, adal jar nekeń bolyp, Kelindi anań kórip, toıyńdy ákeń kórip. Áke bolyp aq ájeńe shóbere ákel berip. Sol toıda men júreıin buıyrsa kókeń bolyp»,- dep jazǵan ánshi Tóreǵalı Tóráli óziniń Instagram jelisindegi paraqshasynda.

Esterińizge sala keteıik, áleýmettik jelide belgisiz jigit Tóreǵalı Tóráliniń onyń qabaǵyn jaryp, judyryqtaǵanyn jetkizgenin habarladyq.

Tóreǵalı Tóráli 10 mln teńge kepildikpen bostandyqqa shyqannyn habarlaǵan bolatynbyz.

Osy jaıttan keıin kúdikti dep tanylǵan ánshi Tóreǵalı Tóráli ýaqytsha ustaý ızolıatoryna qamaýǵa alyndy. Oǵan qatysty qylmystyq kodekstiń 293 - baby «buzaqylyq» boıynsha tergeý júrip jatyr. Іsti Kegen aýdanynyń polıtsııasy júrgizýde.


Foto: instagram.com/toregalitoreali




Tegı:
Oqıǵa   Qoǵam   Zań  
Uqsas jańalyqtar
Seriktester jańalyqtary

Jańalyqtar