+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Ańsaǵan sábı: Almatyda 1173 áıelge EKO jasaldy

2021 jylǵy 11 tamyz 12:57
Bólisińiz:
Ańsaǵan sábı: Almatyda 1173 áıelge EKO jasaldy

ALMATY. QazAqparat- Megapolıste jyl basynan beri1 173 áıelge saqtandyrý esebinen EKO jasaldy. Bul týraly onlaın brıfıng barysynda Almaty qalasynyń áleýmettik medıtsınalyq saqtandyrý qorynyń dırektory Tileýhan Ábildaev málim etti, dep habarlaıdy QazAqparat tilshisi.

Onyń aıtýynasha, Medıtsınalyq saqtandyrý Almaty qalasy densaýlyq saqtaý salasynyń bıýdjetin edáýir arttyrýǵa múmkindik bergen.

«Birinshi jartyjyldyqtyń qorytyndysy boıynsha Áleýmettik medıtsınalyq saqtandyrý qory MÁMS paketinde Almaty qalasynda medıtsınalyq kómekke aqy tóleýge shamamen 53,6 mlrd teńge bóldi. Shyǵyndardyń kóp bóligi statsıonarlyq medıtsınalyq kómekke tólendi, bul 27,9 mlrd teńgeden asady», - dedi Tileýhan Ábildaev.

Ótken jylmen salystyrǵanda joǵary tehnologııalyq operatsııalardy qarjylandyrý 2,1 mlrd teńgege artty. Eger 2020 jyly 11,8 mlrd teńge bólinse, bıyl bul soma 13,9 mlrd teńgege jetti. Bıylǵy jyldyń 6 aıynda halyqqa joǵary tehnologııalyq qyzmet kórsetýge 8,2 mlrd astam teńge bólindi.

«Qoljetimdiligi artqan qyzmettiń biri ekstrokorporaldy uryqtandyrý, ıaǵnı EKO protsedýrasy. 2020 jyly barlyǵy 643 monepýlıatsııa jasalyp, oǵan 563 mln teńge bólingen. Al bıyl EKO baǵdarlamasyna 3,1 mlrd teńge qarastyrylǵan. Atalǵan somaǵa 3245 jasandy uryqtandyrý protsedýrasy jasalýy tıis. ıAǵnı qyzmet kólemi 5 ese artyp otyr. Bıyl bastapqy alty aıda 1 173 EKO protsedýrasy jasalyp, oǵan 1,1 mlrd teńge jumasaldy», - dedi spıker.

Sondaı-aq 2020 jyly joǵary tehnologııanyń kómegimen 184 kordohırýrgııalyq operatsııa jasaldy. Al, 2021 jyldyń birinshi jartysynda osyndaı 837 ota jasalyp, oǵan 3,2 mlrd teńge jumsaldy.

«Mindetti áleýmettik medıtsınalyq saqtandyrý júıesin engizý medıtsınalyq ońaltýdy qarjylandyrýdy ulǵaıtýǵa jáne onyń qoljetimdiligin aıtarlyqtaı arttyrýǵa múmkindik berdi. Bıyl ońaltý qyzmetine 7,7 mlrd teńge bólindi, bul ótken jylmen salystyrǵanda eki ese kóp», - dedi Tileýhan Ábildaev.

Eske salsaq, Prezıdent Joldaýynda «Ańsaǵan sábı» arnaýly baǵdarlamasyn iske qosýdy tapsyrǵan edi.



Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT