Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

Angela Merkel men Dmıtrıı Medvedev Qazaqstan Prezıdentin quttyqtady

2019 jylǵy 15 maýsym 13:53 666
Bólisińiz:
Angela Merkel men Dmıtrıı Medvedev Qazaqstan Prezıdentin quttyqtady

NUR-SULTAN. QazAqparat - Qazaqstan Prezıdenti bolyp saılanýyna oraı Qasym-Jomart Toqaevtyń atyna quttyqtaý hattar men jedelhattar kelip túsýde, dep habarlaıdy QazAqparat Aqordanyń baspasóz qyzmetine silteme jasap. 

Germanııa Kantsleri Angela Merkel Memleket basshysyna jańa tabys tiledi.

«Sizdi Qazaqstan Respýblıkasynyń Prezıdenti qyzmetine kirisýińizben quttyqtaımyn. Elderimiz arasyndaǵy áriptestik turaqty damyp keledi. Germanııa reformalar men demokratııalandyrý jónindegi jaqyn áriptes retinde Qazaqstanǵa qoldaý kórsete berýge daıyn», - delingen jedelhatta.

Úndistannyń Premer-Mınıstri Narendra Modı Qazaqstan Prezıdentin quttyqtap, eki eldiń kóp ǵasyr buryn bastalǵan yqpaldastyqty jalǵastyryp kele jatqanyn aıtty.

«Ekijaqty yntymaqtastyqtyń qarqyndy damýynyń arqasynda tarıhı baılanystarymyz strategııalyq seriktestikke ulasty. Memleketterimiz ben halyqtarymyzdyń múddesi úshin Úndistan men Qazaqstannyń strategııalyq seriktestigin odan ári nyǵaıtýǵa jáne keńeıtýge daıyn ekenimdi bildiremin», - delingen jedelhatta.

Horvatııa Prezıdenti Kolında Grabar-Kıtarovıch óziniń quttyqtaý hatynda dostyq yntymaqtastyqty odan ári damytýǵa beıil ekenin aıtqan.

«Horvatııa Qazaqstanmen halyqtarymyzdyń ortaq múddelerin bildiretin kóptegen salalarda turaqty damyp kele jatqan áriptestikti jáne dostyq qatynastardy joǵary baǵalaıdy. Biz ózara kúsh biriktire otyryp, ortaq yntymaqtastyqqa, sonyń ishinde eki memlekettiń áleýetin iske asyrý úshin ekonomıkalyq qatynastardyń qarqynyn arttyrýǵa úles qosatynymyzǵa kámil senemin», - delingen jedelhatta.

Slovakııa Respýblıkasynyń Prezıdenti Andreı Kıska da Qasym-Jomart Toqaevty quttyqtady.

«Qazaqstan - Slovakııanyń Ortalyq Azııadaǵy mańyzdy seriktesi. Elderimiz arasyndaǵy yntymaqtastyq ortaq múddelerimizdi bildiretin barlyq salalarda damı beretinine senim bildiremiz», - delingen jedelhatta.

Bolgarııa Prezıdenti Rýmen Radev Qasym-Jomart Toqaevqa eńbeginiń jemisti bolýyn jáne Qazaqstan halqyna baq-bereke tiledi.

«Biz ózara kúsh jumyldyra otyryp, memleketterimiz arasyndaǵy ekijaqty yntymaqtastyqty nyǵaıtýǵa jáne damytýǵa úles qosamyz, - delingen jedelhatta.

Shveıtsarııa Konfederatsııasynyń Prezıdenti Ýlı Maýrer Qazaqstan men Shveıtsarııa arasyndaǵy baılanystardyń óte jaqsy deńgeıde ekenin atap ótip, eki memlekettiń ıgiligi úshin yntymaqtastyqty nyǵaıtýǵa senim bildirdi.

Avstrııa Prezıdenti Aleksandr Van der Bellen Qasym-Jomart Toqaevqa demokratııalyq damý jáne reformalardy júrgizý isinde tabys tiledi.

«Halyqaralyq jáne óńirlik qaýipsizdik pen turaqtylyqty qamtamasyz etý jónindegi Qazaqstannyń uzaq merzimdi qyzmeti Sizdiń basshylyǵyńyzben odan ári jalǵasa beretinine senimdimin», - delingen jedelhatta.

Latvııa Prezıdenti Raımond Veıonıs Qazaqstandy Latvııanyń Ortalyq Azııadaǵy mańyzdy áriptesi ári memleketter arasyndaǵy qarym-qatynastar konstrýktıvti ári ózara tıimdi ekenin atap ótti. 

Reseı Federatsııasy Úkimetiniń tóraǵasy Dmıtrıı Medvedev Qasym-Jomart Toqaevtyń jetekshiligimen ekonomıka men áleýmettik salalardy modernızatsııalaýda, azamattardyń ómir súrý deńgeıin arttyrýda keń aýqymdy josparlardy júzege asyrý jalǵasatynyna senim bildirdi.

«Sizdiń tatý kórshi, odaqtas Reseı men Qazaqstan qarym-qatynastarynyń odan ári damýyn, Eýrazııalyq ekonomıkalyq odaq aıasyndaǵy ıntegratsııalyq ózara is-qımyldardy keńeıtýge bel sheshe kirisýińizdi qup kóremiz», - delingen quttyqtaý hatynda.  

Reseı Federatsııasynyń Federatsııa keńesiniń tóraıymy Valentına Matvıenko Reseı men Qazaqstannyń qarym-qatynastary, sonyń ishinde parlamenttik baǵyt boıynsha konstrýktıvti túrde qarqyndy damyp kele jatqanyn atap ótti.

«Qazaqstan Sizdiń basshylyǵyńyzben memlekettikti nyǵaıtý isinde, ulttyq ekonomıkany kóterýde jáne eýrazııalyq keńistikte ózara tıimdi ıntegratsııalyq úderisterdi ilgeriletýde jańa tabystarǵa jetetinine Federatsııa Keńesi senedi», - delingen jedelhatta.

Qazaqstan Prezıdenti bolyp saılanýyna oraı Qasym-Jomart Toqaevtyń atyna quttyqtaý hattaryn Nıderland Koroli Vıllem-Aleksandr, Monǵolııa Prezıdenti Haltmaagıın Battýlga, ıÝNESKO uıymynyń Bas hatshysy sekretar Odrı Azýle, Ekonomıkalyq yntymaqtastyq uıymynyń Bas hatshysy Hadı Soleımanpýr, Polshanyń burynǵy Prezıdenti Aleksandr Kvasnevskıı, Brazılııa Federaldy Senatynyń tóraǵasy, senator Davı Alkolýmbre Polsha Respýblıkasy Senatynyń marshaly Stanıslav Karchevskıı, «Italııa-Qazaqstan» parlamentaralyq dostyq tobynyń tóraǵasy Edmondo Chırıellı, Polsha-Qazaqstan saýda-ónerkásip palatasynyń tóraǵasy Petr Gýzovskı, Eýropa Parlamentindegi Polsha Respýblıkasynyń depýtaty Ryshard Charnetskıı, Polsha Respýblıkasynyń senatory ıAn Fılıp Lıbıtskıı, Polsha  Respýblıkasynyń  Seım depýtaty Tomash Lents joldady. 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT