+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Andreı Krıýkov: Eldostyń tabandylyǵy ózge sportshylarǵa baǵdar bolady

2021 jylǵy 24 shilde 21:23
Bólisińiz:
Andreı Krıýkov: Eldostyń tabandylyǵy ózge sportshylarǵa baǵdar bolady

TOKIO. QazAqparat – Qazaqstan Ulttyq Olımpıada komıtetiniń bas hatshysy Andreı Krıýkov Tokıo Olımpıadasynyń búgingi jarys kúnin qorytyndylap, pikir bildirdi, dep habarlaıdy QazAqparat tilshisi.

«Áýeli búkil qazaqstandyqtardy Eldostyń jeńisimee quttyqtaǵym keledi. Bul – Tokıo Olımpıadasyndaǵy alǵashqy medalimiz. Osy medal basqa jeńisterge jol ashady dep senemiz. Eldos búgin óziniń sheber ekenin, kásipqoı ekenin kórsetti. Jarys jolynda sońyna deıin kúresti. Osyndaǵy sportshylardyń bárine ol búgingi ónerimen úlken baǵyt siltep ketti dep oılaımyn. Endi olar da alańsyz alǵa umtylatyn bolady. Qola júlde úshin ótken sońǵy beldesýinde ol qarsylasyn utýǵa kúsh taba bildi. Óıtkeni bári «aqtyq beldesý» dep baǵa bergen jartylaı fınaldaǵy aıqasy óte qıyn bolǵan edi. Sporttaǵy jerebe osylaı túsip jatty. Biz kez kelgen oıyn erejesin qabyldaımyz. Eldos búgin taǵy da óziniń jeńisti dástúrin jalǵastyra alatynyn kórsetti. Búgin ol elimizdegi eń dańqty dzıýdoshyǵa aınaldy. Osy múmkindiktiń Olımpıada oıyndarynyń alǵashqy kúni tirkelgenine qýanyshtymyn», - dedi komıtet hatshysy Ortalyq kommýnıkatsııalar qyzmetinde Japonııadan tikeleı baılanysqa shyǵyp.

Bas hatshy búgin qazaqstandyq veloshabondozdardan da medal kútkenin jasyrmady.

«Bul oıyndardar osal qarsylas joq ekenin aıtqym keledi. Komandalardyń bári tas-túıin daıyndyqpen kelgen. Sportshylardyń bári babynda. Dzıýdo boıynsha, basqa da sport túrleri boıynsha ótken týrnırlerde oǵan kóz jetkizdik. Biz úshin dramaǵa toly bolǵan velojarysta jigitterimiz júldegerler qataryna ilige almaǵanyn kórdik. Tennıs týrnırinde de fınalǵa jete almadyq. Sonda da bárimiz sportshylardy qoldaımyz. Komanda jaqsy babynda jáne rýhy kóterińki», - dedi Andreı Krıýkov.

Eske salsaq, búgin Tokıo tórindegi tatamıde 60 keli salmaq boıynsha beldesken Eldos Smetov Qazaqstan qorjynyna alǵashqy medaldi salǵan bolatyn. Eldos Smetov kelesi Olımpıadaǵa qatysý múmkindigine qatysty pikir bildirdi. Jáne ol osy jeńisi úshin qoldan kelgenniń bárin jasaǵanyn jetkizdi.



Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT