Andreı Golýbev Rım masters týrnıriniń jartylaı fınalyna shyqty
2022 jylǵy 13 mamyr 18:42

Andreı Golýbev Rım masters týrnıriniń jartylaı fınalyna shyqty

NUR-SULTAN. QazAqparat – Qazaqstannyń juptyq synda birinshi, álemniń 25-raketkasy Andreı Golýbev Rım masters týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi argentınalyq Maksımo Gonsalespen birge shırek fınalda ýrýgvaılyq Arıel Behar – ekvadorlyq Gonsalo Eskobarmen kúsh synasty.

Birinshi partııada qos breıkke qol jetkizgen qazaqstandyq-argentınalyq jup aıqyn basymdylyq tanytty – 6:2.

Ekinshi set áldeqaıda tartysty órbip, match taǵdyry taı-breıkte sheshildi – 7:6 (12:10).

Bir saǵat 45 mınýtqa sozylǵan báseke barysynda A.Golýbev pen M.Gonsales eıs jasamaǵanymen, 6 breık-poınttyń ekeýin paıdalandy.

A.Golýbev pen M.Gonsalestiń jartylaı fınaldaǵy qarsylastary keıin anyqtalady.

Taǵy bir qazaqstandyq Denıs Evseev reseılik Aleksandr Shevchenkomen birge Shymkent chellendjer týrnıriniń fınalyna shyǵa almady. Bul jup jartylaı fınalda tartysty matchta shveıtsarııalyq Antýan Bele – brazılııalyq Gabrıel Dekampqa ese jiberdi – 5:7, 7:6 (7:5), 6:10.

Eske sala keteıik, budan buryn Elena Rybakınanyń Rım týrnıriniń shırek fınalyna shyǵa almaǵanyn, ıÝlııa Pýtıntsevanyń álemniń jetinshi raketkasyna jol bergenin jazǵan bolatynbyz.

Esesine Andreı Golýbev Rım masters týrnıriniń shırek fınalyna shyqty.

Devıs kýbogynda Qazaqstan tennısshileriniń qaı kúnderi oınaıtyny anyqtaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT