Andreı Golýbev Rım masters týrnıriniń shırek fınalyna shyqty
2022 jylǵy 12 mamyr 20:04

Andreı Golýbev Rım masters týrnıriniń shırek fınalyna shyqty

NUR-SULTAN. QazAqparat – Qazaqstannyń juptyq synda birinshi raketkasy Andreı Golýbev Rım masters týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi argentınalyq Maksımo Gonsalespen birge ekinshi aınalymda aýstralııalyqtar Mettıý Ebden – Maks Perselmen kúsh synasty.

Aýstralııalyq jup alǵashqy aınalymda grýzııalyq Nıkoloz Basılashvılı – taǵy bir qazaqstandyq Aleksandr Býblıkti 6:4, 6:1 esebimen joldan taıdyrǵan bolatyn.

Bul joly birinshi partııada qazaqstandyq-argentınalyq jup 6:3 esebimen basym tústi. Olar ekinshi sette de sol qarqynynyn jańylǵan joq – 6:4.

Bir saǵat 20 mınýtqa sozylǵan match barysynda A.Golýbev pen M.Gonsales 1 eıspen birge 4 breık-poınttyń teń jartysyn paıdalandy.

A.Golýbev pen M.Gonsales Rım jarysynyń jartylaı fınalyna shyǵý úshin ýrýgvaılyq Arıel Behar – ekvadorlyq Gonsalo Eskobarmen talasady.

Eske sala keteıik, budan buryn ıÝlııa Pýtıntsevanyń Rımde álemniń burynǵy birinshi raketkasyn utqanyn, qazaqstandyq tennısshiniń Shymkent týrnıriniń jartylaı fınalyna shyqqanyn jazǵan bolatynbyz.

Sondaı-aq Elena Rybakına Rım týrnıriniń shırek fınalyna shyǵa almady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT