+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Analaryń jaqynda keledi: Iraktan oralǵan sábılerdi tárbıeshiler qalaı jubatady

2019 jylǵy 9 jeltoqsan 14:09
Bólisińiz:
Analaryń jaqynda keledi: Iraktan oralǵan sábılerdi tárbıeshiler qalaı jubatady

NUR-SULTAN. QazAqparat – Nur-Sultan qalasynyń qıyn jaǵdaıǵa tap bolǵan balalardy qoldaý ortalyǵynyń dırektory Bıbigúl Takısova Iraktan jetkizilgen balalardy beıimdeý jumystary qalaı júrgizilip jatqanyn aıtty, dep habarlaıdy QazAqparat tilshisi.

Uqsas jańalyqtar
Iraktan oralǵan tul jetim sábıdiń ájesi tabyldy Mınıstrlik Iraktan oralǵan sábılerdiń qazirgi jaǵdaıy týraly aıtty Iraktan oralǵan balalardy tezirek týystaryna tapsyrýǵa tyrysamyz – BǴM

«Balalar bastapqyda bul jerge kelgen kezde jylaýyq, qorqaq bolatyn. Qazir balalar birshama beıimdelip qaldy, kóńilderi kóterildi. Olarmen psıhologtar, áleýmettik qyzmetkerler, tárbıeshiler jumys iste jatyr. Balalardyń jaǵdaıy jaqsy, tuıyq, buıyǵy bolýdan aryldy. Alǵashynda kishkentaılary eresekterine jabysyp alatyn. Al qazir tárbıeshilerdi qushaqtaıdy, súıedi erkin aralasa alady», - dedi ol.

Ortalyq basshysy balalar kúndiz oıynǵa aldanǵanymen túnde uıyqtar aldynda analaryn izdeıtindigin aıtady.

«Kúndiz oıynnyń qyzyǵyna beriletindikten analaryn izdeı qoımaıdy. Al túnde analaryn eske alady. Biz olardy jubatyp, analarynyń jaqyn arada keletindigin aıtyp aldaýsyratamyz», - dedi B.Takısova.

Ortalyq psıhology Aıbek Qylyshbek te balalardyń alǵash kelgen kezde tuıyq bolǵandyǵyn aıtty.

«Eń alǵash kelgendi balalar bir-birimen ajyramaıtyn. Bólekteı bastasań jylaıtyn. Al qazir bir-birinen ajyratsań da ózderin jaıly sezinedi. Bastapqy kezde balalar sýret salǵanda kúńgirt tústerdi qoldansa, qazir túrli-túske áýestenip keledi. Bir baıqaǵanym, balalar shatyry joq úıler salatyn. Al bul Irakqa tán dúnıe. Qazir «Báıterekti» jáne basqa da túrli-tústi sýretter salady», - dedi ol.

Aıta keteıik, búgin QR Bilim jáne ǵylym mınıstriniń balalar quqyǵy jónindegi keńesshisi Raısa Sher Nur-Sultan qalasynyń qıyn jaǵdaıǵa tap bolǵan balalardy qoldaý ortalyǵynda Iraktan jetkizilgen balalardyń jaı-kúıin BAQ ókilderine tanystyrǵan bolatyn.

Bizdiń kanalymyzǵa jazylyńyz:

Basty sózder: Qoǵam, QR SІM,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT