Amsterdam áýejaıynda álemdegi eń iri esirtki tasýshynyń biri qolǵa tústi

BRıÝSSELЬ. QazAqparat – Álemdegi eń iri esirtki tasýshynyń biri Nıderlandydaǵy Shıphol áýejaıynda ustaldy, dep habarlaıdy «QazAqparat» HAA tilshisi De Telegraaf-qa silteme jasap.

Tegi qytaılyq Kanada azamaty Tse Chı Lop (Tse Chi Lop) Avstralııa men Nıderlandy polıtsııa qyzmetiniń ózara árekettestiginiń arqasynda qolǵa tústi. Ol geroın men sıntetıkalyq esirtki tasymaldady degen kúdikpen ustalǵan.

Chı Lop «narkoımperııasynda» 20 mlrd eýrodan astam qarjy aınalymda júr dep esepteledi. Ol kóptegen jyl boıy izdeýde bolǵan.

Nıderlandy buqaralyq aqparat quraldary onyń «Sem Gor» atty iri toptyń serkesi bolǵanyn, Azııada qyzmet etken «Kompanııa» tobynyń basshysy bolǵanyn jazdy.